Page 11 - MIN ARENDS

23
bista politico Diasabra 10 December 2016

Xiomara Maduro (MEP):

E susedido na Insel Air ta

tacha e integridad di

Controlaria

General di Aruba

ORANJESTAD - E empleadonan di Insel Air a entama
un caso contra e gerencia di e compania debi na e sos-
pecho cu Insel Air no a pasa e placa di loonbelasting y
prima social pa Departamento di Impuesto.

Remarcabel den e caso aki ta cu e CEO di e compania, Sr.
Nuboer, ta un ex inspecteur der belastingen di Pais Aruba y
ta den funcion publico como e vice presidente di Controlaria
General di nos Pais. E susedido aki ta algo grave y den un situ-
acion asina na nos opinion Sr. Nuboer no por keda na cabes di
e Colegio Halto aki di nos Pais, ya cu e susedido na Insel Air ta
tacha e integridad di Controlaria General di Aruba.

Pregunta oficial na Minister Eman
Nos a dirigi algun pregunta na Minster Eman pa haya sa kico
e mandatario aki tin pensa di haci cu e kiebro di integridad aki
cu ta tacha e confiansa cu Pueblo mester por tin un Colegio
Halto di nos Pais manera Controlaria General di Aruba. Nos
a indica na Minister Eman cu e situacion cu a presenta aki ta
pone cu Sr. Nuboer no por keda mas den e funcion publico
aki y nos kier sa kiko Minister Eman ta bay haci pa evita cu
por surgi mas dañino na e imagen di Controlaria General.
Banda di esaki nos a pidi e mandatario pa averigua cerca e
Minister di Financia con por ta posibel cu pa 2 aña largo Insel
Air no a cumpli cu su debernan fiscal y si e compania aki a
wordo notifica debidamente. E Pueblo ta exigi haya claridad,
ya cu no por ta asina cu Pueblo ta wordo ‘harassed’ pa cumpli
cu pago di belasting y cu companianan ta bay den bancarota pa
por cumpli cu “cost of doing business” haltisimo y Insel Air
por keda 2 aña sin cumpli debidamente cu pago di belasting. E
Ministernan debe Pueblo un splicacion con por ta posibel cu
un ex inspecteur di belasting y vice president di Controlaria
General di Aruba por wordo permiti pa keda sin cumpli cu ley
asina sin cu tin consecuencia algun, siendo cu otro persona cu
keda sin cumpli ta haya boet of mester hasta bay cera.

Peticion pa reunion na Parlamento
Den e mesun rosea nos a haci un peticion na Presidente di
Parlamento pa yama un reunion urgente den e Comicion di
Landsuitgaven pa trata e kiebro di integridad aki cu ta tacha
e Controlaria General di nos Pais. Parlamento tin un deber
pa percura cu nos Pais ta wordo goberna na un manera dre-
chi y no por cera wowo pa e hecho cu e propio presidente di
Controlaria General ta comete un pifia grave asina. E señal cu
e CEO di Insel Air ta manda aki pa comunidad ta uno hopi
eroneo y Parlamento mester atende cu esaki.

Gobernacion mester ta integro
Nos Pais mester wordo bon goberna y p’esey nos no por djis
cera wowo y permiti cu den instancianan cu mester haci con-
trol riba Gobierno tin persona ta cana rond cu no ta gosa di e
integridad rekeri pa e funcion. E susedido na Insel Air ta tacha
e integridad di Controlaria General di nos Pais y nos mester
atende cu ne debidamente.