Page 18 - WEB

Na e momentonan aki ni Guaidó ni Maduro por duna Aruba siguransa kico ta bay pasa
mientras e momento pa Venezuela paga debenan cu tin. Citgo ta un compania y si su
doño cu ta gobierno di Venezuela no paga, Citgo ta bira propiedad di Rusia, hunto cu
Crystallex y e financiadonan di e prestamonan cu ta caduca na 2020.

DIARIO a cumpli cu su deber pa informa Aruba debidamente riba e situacion cu e pais
ta pasa aden.

Diamars a bira conoci cu Asamblea Nacional di Venezuela, di cual Juan Guaidó ta
presidente a amplia e gerencia di PDVSA pa asina habri caminda pa PDV Holding, cu ta
situa na Merca mescos cu Citgo por negocia cu e grupo di financiadonan Mericano riba
pago di e prestamonan cu ta caduca na 2020 cu Citgo como borg pa tur pago, tambe

esun cu mester ser haci na april 2019.

Manera a ser adverti, Aruba ta den zona di un riesgo total pa motibo cu no ta conoci
kico lo pasa si e compania cay den man di doño nobo.

Raad van Advies a mustra den su documentonan cu ningun caminda a ser splica con
pais Aruba ta prepara pa por paga mita di e suma pa desmantela e refineria. Den e
caso aki, segun informantenan, mester puntra tambe con e desmantelacion aki lo tuma

luga si den Citgo cambia di doño.

Cu no ta trata aki di un asunto simpel, a ser proba na momento cu den e mundo
internacional di financia, e grupo di Presidente Juan Guaidó no por a haya un banco pa

haci prestamo pa refinancia debe directo di Citgo y mester a haya placa pafo di banco.

Kico lo pasa cu debenan y areglonan actual tampoco ta conoci. Na e momentonan aki
no por cobra Citgo cu no tin placa, no por cobra PDVSA cu ta reparti entre Venezuela y

Rusia.

Ya DIARIO a papia di e situacion di e empresa Citgo Aruba pero segun informantenan
mester tene cuenta tambe cu Aruba mes. E refineria a bira mas bieu for di 2016

mescos cu ekiponan.

Mester tene cuenta cu inversion den e tankinan y ekipo pa duna servicio.