Page 24 - BNDIA ARUBA

A24 bistA politico
Diaranson 17 aPriL 2019
Parlamentario drs. Shailiny Tromp-Lee (MEP):

‘Ta importante pa pone nos muchanan central cu enfoke riba inclusion’

ORANJESTAD - Banda di e tra-
bou grandi pa loke ta trata Social
Crisis Plan, Minister Glenbert
Croes y Ministerio di Asunto So-
cial y Labor simultaneamente ta
sigui brinda actividadnan cu en-
foke principal riba nos muchan-
an.

Nan ta organisa y brinda actividad-
nan educativo pa yena e bida di nos
muchanan cu alegria. Manera Croes
mes ta enfatisa, nan ta haci esaki cu
e speransa di haci un impacto posi-
tivo ariba nos muchanan cu lo pone
nan realisa cu e circunstancia di awe
no mester defini nan mañan y cu e
futuro ta den nan man.

‘Joepi Camp’ ta un actividad cu Min-
isterio di Asunto Social y Labor ta
organisa y ta tuma luga den vakantie
grandi. Aña pasa esaki tabata un exito
total. Na october aña pasa, Ministerio
di Asunto Social y Labor a inicia cu e
actividad ‘Bus di Alegria’ cu ta un ac-
tividad extra curicular. Bus di Alegria
ta sali for di cada parti di Aruba unda
cu e casnan social ta concentra. E bus
ta pasa un recorido den e respectivo
districto unda cu un representante
di e districto lo fungi como e His-
toriado. Nos tur sa cu cada districto
di Aruba ta rico na historia y ki mas
bunita cu comparti e conocemento
aki cu nos muchanan. Ya caba e bus
a pasa e.o. na Pardera, Noord y Ran-
cho/Madiki/Playa Pabou. Loke mas ta
resalta cada biaha ta cu e muchanan
ta keda impresiona cu e historia di
nan bario cu hopi biaha nan no tabata
conoce. Banda di crea alegria, e ‘Bus
di alegria’ tin como meta pa inculca
den nos muchanan e amor pa nan
bario y lanta orguyo, respet pa histo-
ria y crea den e muchanan e lider cu
lo sa di hiba su bario na un proximo
nivel.

Dialuna dia 15 di april 2019, Tromp-
Lee a asisti na un otro actividad di
Bus di Alegria, cu un biaha mas a ter-
mina na Parke Curason na Yaburibari
den un bunita celebracion. E biaha
aki a toca turno na tur nos muchanan
special di Pasadia Bibito Pin y SVGA.
“Cada biaha ta yena mi di emocion y
alegria pa wak e sonrisa sincero y pa
experiencia e afeccion genuino cu
nos muchanan special ta demostra
y laga bo sinti. En berdad nos mes-
ter enfatisa e necesidad pa percura pa
nan inclusion y felicidad y percura pa
esaki bira un realidad diariamente y
ariba nivel nacional.

Mi kier felicita Minister Glembert
Croes cu otro actividad exitoso y no
kier a keda sin gradici e duo dinamico
di Ministerio di Asunto Social y La-
bor cu ta Darlaine Guedez-Erasmus
y Rochi Geerman. Dos persona cu
banda di Minister Croes ta traha in-
cansabelmente pa e gruponan mas
lubida di nos comunidad y ta haci
esaki cu yen di energia, dinamismo y
amor”, Tromp-Lee a declara.