Page 23 - ATA

Na di 5 lugar a resulta Kaua’i (Estado Hawaii) cu US$ 213.-.

Maldives tambe ta na cabez pa loke ta trata e ADR (Average Daily Rate) cu US$ 590.-
sigui pa French Polynesia cu US$ 539.-. Maui a sali na di tres lugar cu US$ 402.- y Cabo
San Lucas (Mexico) a sali e di 4 cu US$ 388.-. Aki Aruba a sali na e di 5 lugar cu US$
301.-

E informacion a ser compila pa Hawaii Tourism Authority, usando informacion di entre
otro STR Inc.

ENCUESTA TRAVELSAT
Awendia e bishitantenan pa Aruba kier mas cu solamente e lama bunita y un clima dushi.
Nos isla ta conoci pa ta un isla competitivo cu un variacion amplio di evento cu e turista
por scoge for di dje.

Naturalmente esaki mester refleha bek e.o. den nan experiencia. Pa midi esaki, Aruba
Tourism Authority continuamente ta haci encuesta. TRAVELSAT ta un compania
renombra internacionalmente cu ta asisti A.T.A. cu diferente research.

Durante 2017-2018 a haci un encuesta riba mas cu 60 diferente punto, den diferente
categoria, manera experiencia general, experiencia di nos acomodacion, transportacion,
cultura, shopping, actividadnan cu nos ta ofrece pero tambe nos medio ambiente etc.

ARUBA MESTER SIGUI ELEVA CALIDAD DI EXPERIENCIA Y PONE
ATENCION NA “VALUE FOR MONEY”
A resulta cu pa loke ta trata e experiencia di nos acomodacionnan por mira cu Aruba ta
score halto, compara cu otro destinacionnan den Caribe.

Sinembargo, nos mester ta consciente cu Aruba como un destinacion tin competencia
fuerte eyfo. Tambe cu e bishitantenan ta mas exigente y sigur kier mira balor pa nan
placa, principalmente ora ta paga relativamente mas pa un vacacion.