Page 35 - ATA

ORANJESTAD (AAN): E siman aki e portal di Forbes Travel Guide a publica un relato
sumamente bunita y sigur formidable pa ilustra con San Nicolas ta birando e Street Art

Capital di Caribe.

E relato di Jennifer Kester a mustra cu awor Aruba no ta djis atractivo pa bay relaha y
disfruta di beach y lama, sino awor bo por mira berdadero arte.

E ta mustra cu San Nicolas ta un distrito creciendo cu arte y bisti completamente na
Technicolor. E ta relata cu artistanan procedente di Argentina te Amsterdam a bin
Aruba pa crea un galeria di aire liber di 44 mural, di cual hopi di nan ta centraliza nan

mes riba e tema di naturaleza.

Segun Kester, el a bay admira e muralnan aki via un excursion, cu a pone pasa den
cayanan di San Nicolas, sigui pa un workshop cu un artista local pa crea nan mesun

pintura.

E ta indica cu e tour y muralnan ta marca un direccion nobo pa San Nicolas, despues cu
e epoca di refineria ta pasando y a laga varios negoshi bashi.

El a relata e storia di Tito Bolivar, kende na 2015 a enamora di e arte di caya na Bogota
(Colombia), y con el a transforma diferente bario. El a crea un vision pa adopta un
strategia similar pa trece bida bek den edificionan di San Nicolas.

El a mustra con arte no ta algo popular na Aruba, y hasta a cay den decada di
1990. Pero el a haya un empuhe ora cu un movimento yama “Korteweg” a reuni varios
hende pa cumpra obranan di arte na 2015. E siguiente aña el a forma ArtisA (cu nifica

“Art is Aruba”), cu ta un grupo cu ta organiza proyectonan local di arte, incluyendo e
tournan di mural y e Aruba Art Fair. E feria aki awor ta atrae como 10.000 bishitante
tur aña pa e tres dianan.

Y semper durante e Aruba Art Fair, e artistanan invita ta bay lagando un “regalo” atras
di muralnan sumamente impresionante.

Por lesa e articulo online na bit.ly/artesanSN