Page 13 - HOSPITAAL

44 Djabièrnè 17 Ougùstùs 2018

Kontinuashon di pagina 10
Segun Rennox Calmes

bisa ayera durante
reunion públiko di
parlamento relashoná ku
garantia pa kontinuashon
di kuido na SEHOS ku
minister di Salubridat,
Medio Ambiente i
Naturalesa Suzy Camelia-
Römer (PIN).
‘E minister ei ta hasi su
trabou. Kualke enkuesta
lo demostrá esei. Pero
na Kòrsou nos tin komo
kultura ku esun ku ta hasi
su trabou, nos ta buska
moda di kibr’é. E ta bira
un “target”.’ Segun Calmes
hopi di su koleganan no
a prepará pa e reunion.
‘Nan ta hasi polítika na un
forma barata, kual ta un di
e motibunan pa komunidat
no ta skucha nos mas
komo polítiko. Nan no ta
kere den nos mas.’ Calmes
a bisa ku su koleganan ta
hasi uso di palabranan
manera “kartel”.

‘Nan ta buska
definishon, manipul’é i
hinka den huki. Pasobra
si nos buska kiko ta
nifiká kartel, na niun
kaminda nos ta mira e
ta skirbi ku partidonan
di koalishon ku ta forma
huntu pa hasi un kos mes
pa nan mes, manera un
kolega a splika.’ Segun
Calmes tur parlamentario
tin imunidat. Ku ta nifiká
ku tur parlamentario por
papia manera nan ke.
Pero el a mira un polítiko
hopi baho for di su
koleganan. Segun Calmes
otro parlamentarionan ta
ataká funshonarionan ku
no ta presente den reunion
personalmente. Calmes ta
kondená aktitut di algun
di su koleganan.
Segun Calmes tin
basta hende den sala
di parlamento ku tin
problema ku órden i
kontròl. Hopi di nan a
ataká trabou di inspektor-
general di Salubridat Jan
Huurman. Pero segun
Calmes Huurman tin ku
sigui ku su trabou. ‘E por
kometé eror. Pasobra esun
ku ta traha por kometé
eror. Si bo no ta hasi
nada, manera hopi di e
parlamentarionan ku a
papia promé ku mi, bo no
hasi eror tampoko.’

Muebleria Myriam Trading
Bo adrès pa fura muebles.
Tambe nos tin un surtido
di tela pa fura stoel
i tela pa kortina.
Winston Churchillweg 116 aviso@extra.cw
Tel.: 888-6690.