Page 44 - FDLP
P. 44
MATTHEW PAESCH A SALI NA
DI DOS LUGA DEN
COMPETENCIA DI GO-KART
NA ECUADOR
23 July, 2019, 10:47 am
Aruba sigur a saca cara durante di e Rok Cup na Ecuador, caminda cu e hoben kartista,
Matthew Paesch a logra e di dos luga.
El a comenta cu e careda a bay hopi bon. E tabata un siman na Ecuador, cual tabata basta
duro p’e, cu algun fayo, pero tambe cosnan bon. Full e siman tabata up and down, den
careda, den practice, den qualifying. Matthew mes tabata bao di un stress tremendo, cu
hasta el a haya massage, haya pildo, pero toch na final, a haya un hopi bon resultado.
Luna pasa Matthew a cera contracto cu HR Team pa e careda aki. Nan a keda hopi
contento cu e performance di dje y e mes tambe a keda contento con leu el a yega. Den
Karting no ta un one man show. Tur hende ta yuda otro. Tin e mecanico cu ta respalda e
coredo. Si e mecanico no haci su trabao, e ora e coredo no por perform, por ehempel. Y si
e mes core fout, no ta logra gana. Tur hende mester a haci nan parti pa yega na prome of
di dos luga y den e caso aki, na di dos luga na Ecuador.
