Page 39 - MIN JUS 11 MARCH 2017

Maritiem Politie ta rescata boto cu un

persona bolbiendo cu fuel for di

Venezuela

BY: LOOP NEWS
07:23, March 10, 2017

131 VIEWS

Diamars atardi alrededor di 3’or
Maritiem Politie a haya melding di un boto local cu tabata den problema p’azuid di Aruba. Den e melding a
bisa cu tabatin dos persona na bordo, y e boto tabata cerca di e boortorennan. Inmediatamente e boto BP-2 di
Maritiem Politie a sali pa busca e boto. A mantene contacto cu e boto pa medio di un telefon di e persona den e
boto, pero a perde contacto ora cu nan tabata na caminda pa e area, y a tarda un poco pa polis haya e boto.
Finalmente Maritiem Politie a haya e boto banda di e tres boortorennan, mas of menos shete miya zuid di
Barcadera. Tabatin solamente un persona na bordo di e boto, registracion A-2298, cu e nomber “K-ACHI-K-
MA”.

Maritiem Politie a sleep e boto pa Barcadera den un accion di rescata cu a dura dos ora y mey, E persona cu
tabata na bordo di e boto a declara na polis cu el a bay busca fuel na Venezuela y a haya problema cu e motor
di su boto. Maritiem Politie ta recorda tur persona cu ta bay subi lama cu boto pa percura pa nan boto ta na
ordo y e documentonan di e boto ta na ordo.

Particularmente den temporada di cuaresma, cu tin hopi biento y lama bruto, ta sumamente importante pa tur
rekisito ta na ordo, pero mas cu tur cos ta esencial pa tecnicamente e boto su motor, e sistema di comunicacion
y tur otro medida di siguridad ta den bon condicion. Regularmente personanan cu ta bay busca fuel cu boto na
Venezuela mester wordo rescata ora nan haya na mes den problema como cu nan no ta tene cuenta cu nan