Page 5 - MIN JUS 11 MARCH 2017

Diasabra 11 Maart 2017 Pagina 5

Banda di Marriott polis a detene tres sospechoso di

ladronicia y un pa posesion di droga

Diahuebs madruga a
drenta informe cu tin un
auto deportivo sospechoso
cu como 5 persona aden.
Nan ta actuando masha
sospechoso na altura di
un cas na Bakval. Mesora
a dirigi un patruya pa
e sitio. Na yegada di e
patruya nan no a encontra
cu e auto pero un guardia
den cercania a bisa polis
cu tin un auto Toyota
Altezza A33176 actuando
masha sospechoso mes
y cu ora e guardia a spot
nan, nan a core bay. Polis
a keda tira bista rond y a
bin topa cu e auto banda
di Marriott. Mesora polis
a bay nan tras y a para
nan dilanti Marriott. Polis
cu a nota cu tin varios
persona den e auto a pidi
pa refuerz.

Ora esakinan a yega, a
baha tur hende for di e auto
y a tuma tur nan personalia
y diripiente a haya un di e
sospechosonan cu droga.
A detene di biaha. Segun
nan tabata papiando cu
e otro 2nan a dicidi di
detene nan tambe pa mas
investigacion. Ya cu den
e auto a bin haya arma
tambe y otro atributonan
posiblemente pa comete
kiebro y ladronicia. Por
ultimo polis a confisca e
vehiculo tambe pa mas
investigacion.