Page 9 - SOLO DI PUEBLO
P. 9
Diabierna 9 December 2016 Pagina 9
Un analisis cortico: Grecia ta pasando den crisis
serio danki na e mes vision di Eman di “gasta mas
Diahuebs tabata tin protestanan grandi na Grecia atrobe
debi na e crisis financiero cu e pais ta pasando aden.
Na Grecia nan tabata tin mesun vision cu Mike Eman,
esta di “gasta mas” y spera cu un dia e lo bolbe bek. Con
e lo bolbe bek? Ningun hende no sa.
E modelo di Mike Eman di “gasta mas” no ta funciona
y esaki ta loke Grecia a confirma. Diahuebs pueblo
di Grecia a subi caya pa tene un protesta atrobe, ora
cu e Gobierno a bolbe pasa un pakete di medida
di austeridad. E biaha aki nan a corta riba salario y
aumenta varios impuesto.
Mescos Mike Eman, Grecia tambe a kere den “gasta
mas”.. Nan a subi e debe, cu awor a resulta den
e decisionnan pesimo y a converti den pobreza y
sufrimento y awe un reduccion pisa riba salario.
Na Grecia e debe publico ta alcanza e aña aki 315.000
miyon di euros, un 180% del GDP, segun e ultimo
datonan di e Comision Europeo.
