Page 18 - bon-dia-aruba-20190709

a18 deporte internacional
Diamars 9 Juli 2019
Tour de France
Etapa 3: Julian Alaphilippe ta gana y ta lider nobo

EPERNAY (BBC/CyclingNews) – E celebracion
pa Team Jumbo-Visma di Hulanda a dura sola-
mente dos dia. Den e di tres etapa yena cu subida
steil Mike Teunissen desde inicio no tabata sinti
bon y a laga su team sa esey. Ora el a cay atras
nan no a ward’e tampoco. Finalmente el a entre-
ga como cinco minuut riba e ganador. Cu Steven
Kruiswijk, George Bennet y Wout van Aert como
candidato pa clasificacion general e ekipo tabatin
otro interes pa defende. Nan tur tres a presta na
nivel y a keda den e top 10 di clasificacion general.
Pero e sorpresa di dia tabata e Frances Julian Alaphilippe
(Deceuninck-Quick Step), cu a dicidi di bay finish su
so, cu un tremendo atake riba e peloton riba Cote de
Mutigny, faltando 15 km pa yega meta. Nan no a mir’e
mas, tumando tur riesgo den e bahada dificil rumbo
pa meta final na Epernay. El a defende un bentaha cu
nunca tabata mas di 40 seconde, pero restando ainda
26 seconde riba e peloton na finish na Epernay, unda
Michael Matthews (Sunweb) a impone riba e demas
rivalnan riba e subida steil unda e meta tabata poni pa
puesto number dos, y e Belga Jasper Stuyven (Trek-
Segafredo) a drenta na di tres lugar. Alaphilippe a bira
tambe e proximo pa bisti e jersey geel di lider.
Defensor di titulo 2018 Geraint Thomas a perde un
poco tempo riba su rivalnan pa clasificacion general.
El a perde cinco seconde riba su colega Egan Bernal di
nan Team Ineos y riba Thibaut Pinot di Team AG2R La
Mondiale. Thomas ta keda na puesto number siete den
e general, solamente 7 seconde dilanti Pinot na puesto
12, asina chikito e diferencianan den tempo acumula
ta ainda.

Casi tur e candidatonan pa clasificacion general final a
keda hunto, cu perdida riba Alaphilippe. Adam Yates di
Mitchelton-Scott a termina na di 25 puesto, den mesun
tempo cu Thomas, hunto cu Steven Kruijswijk di Jum-
bo-Visma , Romain Bardet di AG2R La Mondiale, y e
campeon di 2014, Vincenzo Nibali di Bahrain Merida.

Alaphilippe despues a conta prensa cu e no tabatin in-
tencion di escapa su so, simplemente ningun otro core-
dor di e peloton a sigui su ehemplo ora el a dicidi di
purba su suerte. E otro ekiponan a keda mira otro te
ora cu tabata laat pa purba alcanza e Frances di 27 aña,
cu ta actualmente un di e coredornan cu mas poder y
resultado.

Na caminda Alaphilippe a pasa Tim Wellens di Lotto-
Soudal, cu tabata e unico cu a keda dilanti di un grupo
cu a escapa mas tempran den e careda. Di e manera aki
Wellens a piki tur e puntonan pa e jersey di montaña cu
tabatin riba e cuatro topnan cu puntuacion.

Cu su victoria Alaphilippe ta e prome Frances desde
e victoria di Tony Gallopin na 2014 pa lidera Tour de
France atrobe.

Clasificacion General
Despues di lider Julian Alaphilippe ta sigui tres coredor
di Jumbo-Visma: Wout van Aert, Steven Kruiswijk, y
George Bennett, tur dentro di 25 seconde despues di
Alaphilippe. Michael Matthews, Egan Bernal, Geraint
Thomas, Enric Mas, Greg van Avermaet y Wico Kel-
derman ta forma e resto di prome 10 clasifica, cu Kel-
derman na apenas 51 seconde di e lider.

Etapa 4 Reims - Nancy
Etapa 4 di Tour de France ta cubri 213 km entre Reims
y Nancy, bayendo den direccion oriental di e pais. E
etapa tin dos subida di cuarto categoria y e yegada ta
parce algo pa e sprinternan, cu un recta final cu ta riba
tereno plat. Algo pa Peter Sagan y Michael Matthews,
pero talvez tambe pa Dylan Groenewegen di Jumbo-
Visma, si el a recupera di su caida den e prome etapa.