Page 50 - ATA
P. 50
Awe Aruba ta den e situacion unda por mira cu e placa cu e refineria mester a trece
aden pa cera e buraco den e begroting, nunca a drenta y nunca e refineria a bolbe
habri, y papiando “straight” e Parlamentario a expresa cu nunca e ta bay habri
tampoco!
Asina drs. Lopez-Tromp ta trece dilanti den un entrevista cu DIARIO.
Aworaki Aruba ta mara na un contrato unda cu con cu bay bin awo tin un gobierno
responsable cu ta trata cu e situacion aki, y manera Minister Presidente a caba di
expresa durante e reunion publico di Parlamento, ta logico cu gobierno kier minimiza e
dañonan pa Aruba, y e ta considera cu ainda tin trahador cu tey y esaki ta un
responsabilidad.
Drs. Lopez-Tromp a subraya cu ora Minister Presidente a anuncia cu el a haya sa na
Merca cu nunca tabata tin e intencion pa habri e refineria y cu Citgo no a pidi licencia
na e Oficina di Control, cu no a pidi pa rehabilita e refineria, pero al contrario a pidi pa
cere of no tine mas, esaki ta algo hopi importante pa tene cuenta cune y pa mustra cu
no tabata tin ni tin intencion di un apertura.
Lopez-Tromp a subraya cu for di tres aña pasa por a premira caba un deal dudoso, sin
transparencia, y Parlamento hasta a haya un par di cos unda hasta e ta sirbi den e
contrato cu “so bo aproba e ley aki, si bay di acuerdo cu tur loke tin skirbi eyden, esey
kiermen tambe cu bo ta aproba tur e acuerdonan y tur e onderhandeling cu e gobierno
di e tempo ey a haci den nos nomber. Kiermen den nomber di Parlamento y tambe den
nomber di pueblo”. Asina drs. Lopez-Tromp a señala.
E parlamentario a agrega cu for di momento cu el a wak esey y mirando e
comportacion di e ex-minister, naturalmente su firma nan no lo haye eybou.
Tambe pa motibo cu e ta malo pa e pueblo su salud, pa e pais su medio ambiente, y
pasobra ta tempo pa Aruba tin otro desaroyo na San Nicolas y cu lo trece otro tipo di
infrastructura tambe pa e pais.
El a subraya cu no ta secreto cu Minister Otmar Oduber ta bezig awor cu e proyecto di
hotel, pa un desaroyo pa San Nicolas. Esaki si e sigui e lo trece otro tipo di
infrastructura, un desaroyo cu ta trece embeyecimento cune, mas seguridad, mas
