Page 29 - ATA

(‘research’) y Planificacion, Destination Services, Recurso Humano, y e departamento
encarga cu e aspecto financiero y maneho di facilidad di ATA.

Prome cu Minister aproba e raport, esaki lo wordo manda pa Parlamento di Aruba ‘ter
inzage’ pa 10 dia di trabao. Parlamento ta ricibi esaki, cual conforme ley t’e siguiente
paso den e proceso di aprobacion, djey pa Minister di Turismo por duna su aprobacion
formal pa cu e Raport Anual di ATA, e edicion di 2018 pa ta exacto.
Esaki t’e di 8 Raport Anual di ATA cu a wordo completa y cu ta carga un ‘goedkeurende
verklaring’ di un compania di accounting independiente, esta Ernst & Young. Pa ATA e
ta un ehercicio extenso y di suma importancia y un parti integral di e maneho cu ta cana
man den man cu ley stipula pa ATA como tambe codigo di ‘Good Corporate
Governance’ stipula pa ATA.

Mester añadi cu fuera di esaki, ATA ta tene un auditoria financiero independiente per
kwartaal, cual ta wordo conduci p’e oficina di accounting independiente den e caso aki
Grant Thornton.
ATA ta pone hopi enfasis riba su maneho financiero y riba un maneho conforme ley
aplicabel pa ATA, como tambe conforme locual ta constitui ‘Good Corporate
Governance’.
E pasonan aki como tal ta refleho di un maneho cu ‘Checks & Balances’ adecua unda
ATA ta entre otro wordo audita dor di companianan independiente, conforme reglanan
internacional.

ATA ta felicita e ekipo completo di ATA pa un otro bunita logro, esta di por a entrega un
raport cu un ‘goedkeurende verklaring’. Tambe ta gradici Hunta di Supervision, cu a
duna prioridad un biaha mas na e raport importante aki pa ATA y pa bienestar di nos
sector turistico.
Ademas ta gradici Ernst & Young y mas cu claro ta gradici Minister di Turismo p’e
diligencia necesario cu lo ser duna na revision y aprobacion di e documento aki.
ATA manera semper, lo cana e caminda debido p’asina sigui brinda informacion na
Minister y Parlamento di Aruba den e proceso di aprobacion cu ta sigui.