Page 70 - update MIN ON

Quota Club Aruba ta contribui y aporta na nos muchanan di
Skol Paso Pa Futuro cu nan Celebrashon di Pasco

Saturday, 17 December 2016 22:16
Comparti

Quota Club Aruba cu e meta pa contribui y haci e cambio positivo na nos communudad, a haci posibel cu
tur e muchanan di Skol Paso Pa Futuro
, por a bai tur den busnan grandi pa celebra nan fiesta di Pasco na Piedra Plat Entertainment Center.
Ta un gozo pa mira e sonrisa riba cada cara di e muchanan y e alegria cu nan a disfruta y por a core den
bus pa hunto por a jega na nan celebrashon di Pasco, cu ta algo hopi grandi y significante pa nos
muchanan di Skol Paso Pa Futuro, en especial, y asina por a goza un mundo di nan Celebrashon di Pasco.
E alumnonan conjuntamente cu nan maestronan cu semper ta dedica cu hopi amor y pasenshi na nos
muchanan di Skol Paso pa Futuro, a prepara y presenta nan shownan spectacular.
Mester menciona, cu tin hopi talento na e Skol aki y cu tin cu aporta y encurasha nan riba nan talentonan
speciaal y bunita; Masha bunita y dushi mes e muchanan a pasa y tin hopi bunita presentashon cu canto,
storia, comedia y bailamento di tur e alumnonan di Skol Paso Pa Futuro.
Di parti Quota Club Aruba, Presidente Sra. Gwendeline van Trikt-Rojer junto cu Quotarian, Sra. Mariela
Nava-Figaroa, a haci entrega na nomber di Quota Club Aruba, e regalonan y premionan pa tur mucha di
tur klas di Skol Paso Pa Futuro y ta felicita nan pa nan bunita presentashon y bunita celebrashon, masha
pabien!
Cu esaki Quota Club Aruba, ta aporta na nos muchanan di nos communidad y ta gradici tur esnan cu a
juda y contribui y cu semper ta aporta na Quota Club Aruba na benficio di esnan cu tin mas mester;
Masha Danki y junto nos lo por haci e bunita gestonan aki pa nos communidad.
Quota International of Aruba ta un organizashon voluntario di ehecutivonan femenino y cu ta dedica na
mejora calidad di bida di esnan menos afortuna den nos communidad, especialmente esnan cu problema
di oido y habla y tambe ta sostene hopi programanan pa hende muhernan den dificultad y muchanan
desafortuna. Alavez Quota ta hiba e mensajenan di concientizacion den nos communidad por medio di
projectonan organiza pa jovenan na skolnan, seminarionan pa nos communidad y en general trahando
junto pa brinda un mihor calidad di bida.
Nos ta desea na henter nos communidad, di nos dushi Aruba, un Bon Pasco y un Feliz Anja Nobo y cu
hopi Bendishon, amor y paz reina den tur hogar.