Page 25 - ATA

Ultimo dia

ORANJESTAD (AAN): Tuma bon nota! Awe Dialuna 12 di Augustus 2019, oficialmente e
papelnan di Florin bieu ta sali for di circulacion.

Desde 4 di Juni 2019 cu e papelnan nobo a sali riba mercado, Banco Central di Aruba a
duna OK pa tanto e papelnan bieu (serie 2003) como e papelnan nobo por co-circula
hunto pa dos luna largo. Pues por a haci uso di ambos.

E ultimo fecha cu ta acepta co-circulacion tabata Diadomingo 11 di Augustus 2019.

Y awe Dialuna, e serie 2003 di papelnan di Florin ta sali for di circulacion, y no por usa

nan mas pa haci pago of ricibi cambio.

Pues awe en adelante si bo cumpra algo, y e cashier kier dunabo buelta den e papel
bieu di Florin, abo como cliente tin di rechasa esey. Pasobra ta abo lo bay keda pega

cu e placa ey, y bo por cambie ainda na un Banco comercial. Bo por haci esey na
banco te 4 December 2019.

Sinembargo entrante 5 December 2019 bo por cambia e papelnan bieu aki solamente

na Banco Central di Aruba.

E papelnan nobo di Florin pa Aruba, tabata un proyecto cu a dura 7 aña pa duna
fruto. E serie nobo di papelnan aki yama “Bida na Aruba”, den cual ta figura nos flora,

fauna, herencia cultural, monumentonan y lugarnan prominente na Aruba

Riba e papel di 10 florin, por mira e Turtuga blanco, Fototo, Waira di lama, Cas floria y
mosaico. Riba papel di 25 florin, tin Shoshoro, Trupial, Shoco, Cas Floria y Mosaico,

pinturanan di cueba Arawak, Purun di ceramica.

Riba e papelnan di 50 florin por mira e Cododo, Cangreu di tera, Willem III Toren, Cas
Floria y Mosaic, Banana di rif. Riba e papel di 100 florin, tin Yuwana, Aloe, Toteki, Cas

floria, Mosaico y Baile di Cinta. E papel di 200 florin ta mustra e Dornasol, Warawara,
Tuna, Caha di Orgel y Cas Floria y Mosaico.