Page 13 - FLIP
P. 13
Dialuna awo lo ta ultimo dia pa ricibi vacuna
na oficina di dr. Sneek na Tanki Flip
on: November 25, 2016In: LocalNo Comments
Print Email
Dialuna awo e ultimo vacunanan lo wordo duna na oficina di dr. Sneek, segun Jurette Croes di Departamento
di Salud Publico. E ta splica cu ta cerando nan di tres siman. Pa otro siman, dialuna e campaña ta caba manera
ya menciona. E campaña a bay hopi bon. Tabata tin un lote di 5600 vacuna y ta cabando cu esaki. Tin e ultimo
2 pa 3shen vacuna ainda den stock. Dialuna ta e ultimo dia y nan lo ta na dokter Sneek su oficina. Djey lo bay
purba di wak si por haya mas vacuna pa por tin den stock na seccion di malesanan contagioso pa esnan cu kier
biaha ainda, cu kier tuma nan vacuna y tambe ta encurasha ainda e docentenan y e team leadernan di creche pa
nan tambe yega ainda y tuma nan vacuna pa nan por proteha e muchanan.
E reaccion tabata positivo, segun Croes. E personanan di edad grandi ta esunnan cu a acudi masivamente y a
haci uzo di e oportunidad di yega na e postnan ya previamente indica.
E meta ta pa busca pa tin den stock. Tin ainda casnan di hende grandi pa bishita ainda y tin companianan cu ta
acerca Salubridad Publico y paga pa nan empleadonan haya tambe. E ora tin cu busca mas vacuna pa por
cumpli cu e demanda.
