Page 50 - Djaluna 11 februari 2019.pdf

50 Djaluna 11 Febrüari 2019
Mensahe di Konseho
di Iglesianan
Si den nos

pais ta reina

union di
amor, kosnan

negativo no

por prevalesé

WILLEMSTAD.- Hustisia
i solamente hustisia
lo bo kore tras di dje
(Deuteronomio 16:20)
ta e tema ku Konseho di
Iglesianan a skohe pa a
guia nos pensamentu,
kurason i aktitut síviko i
Kristian durante e siman di
orashon pa unidat den luna
di yanüari 2019.
E tema aki lo mester
a guia nos na liderazgo
madurá den tur área pa duna
direkshon den tempunan
difísil i laga nos uni forsa
pa alkansá hustisia pa tur
siudadano ku ta biba riba e
baranka aki.
Konseho di Iglesianan
ta bisa den e mensahe ku
rekonosiendo nos propio
fayo di divishon religioso,
awe den un diálogo di mesa
rondó huntu komo lidernan
religioso, nos ta arepentí i
asumí e yamada ku Dios a
duna nos pa ta uní i guia
nos pueblo den e kaminda
di Dios.
Búskeda di bienestar
sosial i bienestar spiritual
di un pueblo ta tarea di nos
tur i no unu individual.
Nos komunidat ta
pasando den un tempu
turbulento.
Na momentunan asina
aki ta masha importante pa
nos tur tene prinsipionan
demokrátiko ku ta
manehá nos konstitushon
i ta fundeshi sólido di nos
nashon na bista.
Ta nos práktika pa den
momentunan asina aki,
nos tur resa pa nos pais
i pa tur lider polítiko,
sindikal i tur otro lider ku
ta sosteniendo adelanto di
nos pais.
Pero na mes momento
e balor di demokrasia real
ta pidi pa nos tur aserká
problemanan ku dignidat
i un patriotismo ku ta bai
muchu mas leu ku nos
anhelo i deseonan personal
i di kualke grupo.
Nos tur, sin eksepshon
mester analisá nos
posishon na e momentu
Sigui lesa pagina 52