Page 10 - AVB
P. 10
Presidente di FIFA satisfecho cu plan
strategico di AVB
Posted on 10/29/2018 10:05 am AST | Updated on 10/29/2018 10:06 am AST
ORANJESTAD - Recientemente a invita Presidente di Arubaanse Voetbal Bond (AVB),
Ing. Richard Dijkhoff pa un reunion na Zurich cu Presidente di FIFA, Gianni Infantino.
Ey a elabora riba e desaroyonan positivo tumando luga na Aruba den e deporte Rey, esta
futbol. Asina un comunicado di AVB ta bisa. Segun e comunicado, e Presidente di FIFA
a tuma nota cu AVB ta e prome pais den Caribe cu a entrega un “plan strategico”. E
tabata kier a scucha di e Presidente di A.V.B. mes di con a hinca e plan den otro y pa un
splicacion mas amplio di e vision pa desaroya futbol na Aruba.
Un di e topiconan cu mas a hala su atencion den e plan tabata e "Youth Development
Program" cu ta trahando riba dje. El a haci hopi pregunta y a expresa cu FIFA ta
evaluando pa por produci un “blueprint” pa mira con por implementa e mesun plan aki
den henter Caribe.
