Page 19 - FDLP
P. 19
Na un edad relativamente hoben Bjorn a bin Hulanda cu su mayor nan pa miho bienestar
pa su futuro. Na un edad hoben di 6 aña manera mayoria mucha lo cuminsa hunga
voetbal y e la keda practica deporte te awe.
Bjorn a dedica su bida na Hulanda pa tanto studia y practica su deporte locual cu e ta
gusta. Bjorn a sali pa varios biaha MOST VALUABLE PLAYER di su ekipo. Como un
hoben sordo Bjorn no a laga esei tawata un obstaculo pa su desaroyo. Banda di practica
su deporte cu e ta stima e la dedica pa termina su estudio y ta laborando. Pa un hoben cu
no ta scucha sigur mester hasi extra sacrificio pa asina logra tur bo deseo nan. Na edad di
18 aña Bjorn a wordu selecciona pa hunga den seleccion di voetbal Hulandes cu a
participa e tempo ey den campeonato Europeo na Dinamarca.
Despues Bjorn a keda activo den seleccion di veld voetbal Hulandes y a hunga wega nan
di clasificacion pa campeonato Europeo cu ta tuma lugar otro aña. E ta activo den veld y
zaalvoetbal. Algun tempo pasa e a wordu acerka pa e trenador di ekipo di zaalvoetbal di
Hulanda pa cuminsa train cu e seleccion e la demostra su talento den e seleccion
hungando zaalvoetbal. Pues asina a cuminsa hunga den seleccion di Hulanda pa wega nan
di clasificacion y Hulanda a logra clasifica pa campeonato Europeo despues di hunga
ultimo weganan na TEL AVIV na Israel. E siman aki Bjorn ta biahando pa Finland pa bai
hunga campeonato Europeo cu ta tuma lugar di 5-15 december. Nos ta kier desea Bjorn
Hart den ekipo Hulandes tur clase di exito.
https://24ora.com/bjorn-hart-cu-diciplina-y-perseverancia-bo-por-logra-bo-
sono/
