Page 10 - MIN ARENDS 29 APRIL 2017

12 AWEMainta Diasabra, 29 April 2017

Gabinete Mike Eman II ta felicita tur condecorado

Gradiciendo nan pa nan aporte y ehempel na nos comunidad

DEN representacion di Gobierno di Aruba y compaña pa su
distinguido esposa, Prome Minister Mike Eman a atende diamars
anochi e ceremonia caminda Su Mahestad Rey Willem-Alexander
en conexion cu celebracion di Dia di Rey ta condecora ciudada-
nonan di comunidad Arubiano.

Na e ceremonia, cu a tuma luga den patio di cas ceremonial di
Gobernador di Aruba, tabata presente tambe Minister di Enseñansa
y Famia, Michelle Hooyboer-Winklaar y Honorabel President di
Parlamento Mervin Wyatt-Ras.

Pa Minister President Eman sin duda algun ta un honor di por a
presencia un biaha mas e ceremonia di condecoracion real caminda
ciudadanonan ehemplar di nos comunidad ta haya un merecido
reconocemento. Esaki ta un anochi caminda e talento y curazon
Arubiano ta briya.

Su Excelencia Gobernador Alfonso Boekhoudt a condecora den
nomber di Su Mahestad Rey Willem-Alexander un grupo di 13
ciudadano: sr. mr. ‘Rossy’ Marchena como Ridder in de Orde van
Oranje-Nassau, ademas di sra. Erin. J. Croes, sra. C.M. Croes,
sr. H. (Patan) A. Farro, sr. Gregory R.F. Goedgedrag, sr. Robert.
H. Jeandor, sr. Jhon Freddy Montoya, sra. J. Paesschen, sra. mr.
Ivy M.M. Hernandez-Swaen, sr. M.B. Tromp, sra. N. Koolman-
Werleman, sr. ‘Willy’ C. Willems y sr. P.A. Wilson como Lid in
de Orde van Oranje-Nassau.

Despues cu cada un a ricibi nan condecoracion, Prome Minister
Mike Eman tambe a duna cada un un abraso caluroso di felicita-
cion y despues di e ceremonia a comparti algun palabra personal
cu cada un di nan y nan famia presente.

Den nomber di Gobierno y pueblo di Aruba, Minister Presidente
Mike Eman ta extende su palabra di pabien na tur e condecora-
donan, como tambe un danki sincero pa e aporte y ehempel cu ta
brinda na nos comunidad.