Page 26 - MIN ARENDS 29 APRIL 2017

Partido PAR a sali victorioso durante eleccion di Corsou 2017

Friday, 28 April 2017 23:51
Comparti

Awe, diabierna, pueblo di Corsou a deposita nan voto un biaha mas, despues di a vota 6 luna pasa pa asina haya sa
claramente ken lo ta e partido di mas grandi cu mas voto, pa por lidera e pais aki. Faltando mas of menos 10 minuut
pa 11’or y mey di anochi, ora proyecta cu e eleccion lo a finalisa cu e resultado final, pueblo di Corsou a cera conoci cu
e ganado maximo di e anochi, cual ta Partido Alternativa Final, cu a sa di gana cu 18362 voto, nificando un total di 6
asiento den Parlamento.

Seguidamente partido MAN, di ex prome minister Hensley Koeiman, a keda na di dos luga, cu un total di 16091 voto,
nificando 5 asiento y na di tres luga a keda partido Movimiento Futuro Korsou, di ex prome minister Gerrit Schotte,
cu un total di 15710 voto, cu ta nifica 5 asiento tambe.
Demas partidonan cu a sigui despues ta partido Korsou di Nos di Amparo dos Santos cu 2 asiento, Pueblo Soberano
cu 1 asiento, e partido nobo di Suzy Camilia Romer, PIN, un asiento y e partido di Marily Moses MP, cu un asiento.
Tin cu bisa cu durante e eleccion aki, mas of menos 80 mil hende a haci uzo di nan derecho di voto. E prome
resultadonan a drenta mas of menos 8'or y 40 di anochi, cu ta haci cu e eleccion aki a cana sin ningun problema y
bastante lihe, segun medionan di prensa di Corsou por a expresa.

http://www.24ora.com/index.php?option=com_content&view=article&id=121293:partido-par-a-sali-
victorioso-durante-eleccion-di-corsou-2017&catid=61:korsou&Itemid=81