Page 28 - KPA DEC 19
P. 28
Accidente entre bus y auto: Ora luz di trafico no ta traha ta
regla di trafico ta conta
Sunday, 18 December 2016 09:19
Comparti
Un accidente a sosode net den curazon di Caya Betico Croes banda di Valero Oranjestad. Un bus di Arubus a
accidenta. E luznan di trafico no ta trahando y esey nifica cu mester paga tino riba e borchinan di trafico. Sino mester
tene cuenta cu e reglanan di trafico mes ora no tin borchi.
Den e caso aki e bus tabata coriendo riba Van LeeuwenHoekstraat direccion Adriaan Lacle Blvd. E borchi ta indica
cu e bus tabata tin preferencia. Un chauffeur den un Fod Escape tabata den Caya Betico Croes y mester a duna
preferencia bayendo direccion pariba. Mester a para na e crusada banda di Valero Oranjestad. El a saca e nanishi net
cu e bus tabata biniendo. E impacto tabata na e parti dilanti rancando parti di e front di e Escape. E bus tambe a
haya daño naturalmente. Polis di trafico a bin y atende cu e accidente. E trafico a tranka totalmente mirando cu
tabata un orario poco druk.
