Page 18 - bon-dia-aruba-20190710

a18 deporte internacional
Diaranson 10 Juli 2019
Tour de France 2019:

Elia Viviani ta gana sprint masal den etapa 4

NANCY – Den di cuatro etapa e Italiano Elia
Viviani a sali victorioso den sprint di e pelo-
ton completo, na final di 213 km di ruta cu
a cuminsa na Reims, cu finish na Nancy. In-
mediatamente despues di salida tres coredor
a organisa un escapada y a mantene nan mes
dilanti durante casi 200 km. Schãr, Backaert y
Offredo a embarca riba un aventura cu di an-
temano no lo a resulta den un victoria, miran-
do cu e ekiponan di e sprinternan importante
tabatin tur cos bao control y no a permiti mas
escapada.

Faltando 28 km Offredo a cay atras, despues Back-
aert tambe a rindi y faltando 17 km ainda, e ultimo
coredor escapa, Schär, a keda alcansa pa e pelo-
ton cu tabata preparando pa e sprint final. Lilian
Calmejane (Total Direct Energie) a purba di escapa
su so faltando 11 km pero no a logra mas cu algun
seconde di bentaha.

Sorpresivamente e lider di careda Julian Ala-
philippe, contra tur ‘regla’ cu ta bisa cu coredor
importante pa clasificacion no ta mete den e trabao
peligroso di sprint final, a haci bon parti di e tra-
bao preparativo pa su colega di ekipo Viviani gana,
mientras cu otro ‘trein’ pa pone sprinter den bon
posicion a fracasa. Team Jumbo-Visma a pasa den
esaki, cu ‘motor’ Mike Teunissen na banda robes di
caminda y su sprinter Dylan Groenewegen na otro
banda di e peloton. Ora finalmente Groenewegen
a logra haya un espacio pa bay dilanti, e sprint a
caba, cu Viviani triunfante dilanti di un sorpren-
dente Alexander Kristoff, sigui pa Caleb Ewan y
un Peter Sagan decepciona atrobe. Groenewegen
y Teunissen a keda na di 5 y 6 lugar, un fenomeno
en todo caso unda sprinter y su ‘lead out man’ ta
practicamente na e mesun nivel di velocidad. Den
entrevista Groenewegen a tuma e culpa bisando e
mester tabata mas cla den loke e tabata kier haci,
ademas cu ainda e no ta sinti 100% despues di e
caida den prome etapa.

Clasificacion general
Pa loke ta e clasificacion general no tabatin cam-
bio; no tabatin caida dramatico tampoco cu por a
causa perdida di tempo y tur coredor ta den condi-
cion pa sigui.Julian Alaphilippe ta sigui den jersey
geel di lider, sigui pa tres coredor di Jumbo-Visma,
Wout Van Aert na 20 seconde, y Steven Kruiswijk
y George Bennett na 25 seconde di desbentaha. Ta
sigui Matthews, Bernal, Thomas, Mas, Van Aver-
maet y Woods pa e prome 10 puestonan.

Peter Sagan ta sigui como lider den clasificacion di
punto (104) sigui pa Elia Viviani (81). Den catego-
ria di montaña Tim Wellens (Lotto Soudal) ta lider
cu 7 punto, sigui pa Sandro Meurisse (Wanty-Gob-
ert). Wout Van Aert ta sigui como lider di e catego-
ria di hoben, sigui pa Egan Bernal (Team INEOS).

Etapa 5
Etapa 5 (175,5km) ta cuminsa na Saint-Dié-des-
Vosges, den pati oriental di Francia, y ta pasa den
un region di montaña di altitud mediano, cu subida
fuerte y cortico y bahada peligroso cu ta exigi tur
atencion. Prome cu yega finish na Colmar ta warda
e coredornan cuatro subida categorisa, incluyendo
dos di categoria 2. E no ta bay ta un bon dia pa e
sprinternan. Si no tin escapada di importancia, aun-
ke e posibilidadnan t’ey, e sprint final na Colmar
ta despues di 10 km di caminda plat, cu ta brinda
oportunidad pa e sprinternan cu a logra sobrevivi e
prome dia di subida serio. Actual lider Alaphilippe
ta ser mira como posible candidato pa ataca, ya cu e
no ta entre e faboritonan pa gana clasificacion gen-
eral, pasobra esey no ta su specialidad.