Page 30 - FDLP

A19
DEPORTE Diahuebs 1 November 2018

Federacionnan deportivo a ricibi informacion tocante

Reglamento di Subsidio

ORANJESTAD - Recientemente Stichting Sportsubsi-
die Aruba a tene un reunion informativo pa tur fed-
eracion deportivo na Aruba. Topico principal tabata e
Reglamento di Subsidio pa e aña 2019. Mester bisa den
un sala completamente yen, e diferente representante
nan principal di e 40 federacion nan presente a dialoga
hunto cu e bestuur di SSA y e comision tecnico riba e
topico menciona.

Director di Stichting Sportsubsidie Aruba, Tito de Cuba, a
splica ampliamente riba e puntonan importante cu mester a
wordo atendi cu e federacionnan deportivo pa loke ta e regla-
mento di subsidio pa e proximo aña. A elabora riba temanan
manera finansas, condicionnan general pa pidi subsidio y
tratamento di e diferente peticionnan, gastonan subsidiabel,
coach di seleccion y por ultimo e galardon Premio Excelencia
den Deporte, cu tabata bou encargo di e presidente Gerald
Franca.

E reunion a bay den bon ambiente, unda di parti federa-
cionnan deportivo hopi pregunta a ser haci na e bestuur di
SSA, como tambe na representantenan di e Comision Tec-
nico. Riba varios di e articulonan cu a ser treci padilanti a dia-
loga pa yega na un miho entendimento den un proximo oca-
sion. Awor, e federacionnan deportivo lo mester bay bek den
nan seno y traha riba e punto y articulonan menciona.

Stichting Sportsubsidie Aruba ta spera cu awor tin un claridad
pa loke ta e Reglamento pa e Subsidio 2019.