Page 48 - FDLP

Aruba Softball Bond y Comision Organisador organisando pa prome biaha den historia di

softball di Aruba un campeonato femenino oficial di WBSC/CONSURSA femenino

mayor.

Den un tremendo wega Argentina ta derota e ekipo di Corsou cu score di 7-3. Argentina

7 careda, 7 hit, 1 eror y ta laga 8 coredor den circulacion. Corsou 3 careda, 7 hit, 6 eror y

ta laga 12 coredor na base. Mihor bateadornan pa e ekipo di Argentina tabata Candela

Figueroa 5-2, Ana Sofia Bollea, Magali Frezzotti, Dolores Fernandez y Melina Mediozzi

tur a bay di 3-1. Natalie Jimenez di 1-1. Pa Corsou a destaca na bate Xiarysse

Emerenciana 2-2, Suheydi Faneyt, Kimberley Agard ambos di 2-1 y Lee Ann Craanberg

di 4-1. Carla Villalva pitcher habridor di Argentina ta resulta pitcher ganador mientras

Shanna Tevrede ta bay cas cu e derota. Carla Villalva ta lansa 3 inning, 56 lansamento

regalando 4 base por bola y ta propina 1 ponche. Carina Amarilla ta releva Carla y ta

lansa 2 inning y un total di 47 pitch, na su turno ta wordo releva pa Tamara Togni kende
tambe ta tira 2 inning y 34 lansamento. Pa Corsou Shanna Tevrede a bay 3 inning tirando

62 lansamento regalanso 4 base por bola y ta ricibi relevo di Arnalda Margarita kende ta

lansa 75 pitch propinando 3 ponche y ta regala 3 base por bola. Argentina asina ta

posiciona su mes number uno riba e tabla di posicion. Diahuebs e 4 ekiponan cu clasifica

lo inicia e page system playoff mientras diabierna anochi 7pm e gran final ta programa

mientras pa 9pm Tsunami lo cera e acto di clausura te cu 12am. Fanaticada na veld di

Dragon Hitters na Barcadera Bo mester ta. No laga nan conta Bo!