Page 66 - FDLP

Practicando deporte, un persona ta siña disciplina, responsabilidad, confianza den su mes, sacrificio y co-
dependencia. Sin laga afo e amistadnan cu bo ta crea, cual bo ta bay bida largo cu ne. “Kico miho cu un
persona cu tin e cualidadnan aki?”, minister Dangui oduber ta puntra. Un persona cu tur e cualidadnan aki, ‘ta
cos bon so e lo haci pa su mes y pa su isla’. E mandatario ta bisa cu e pensamento aki ta netamente locual ta

forma e fundeshi di e maneho cu e ta hibando pa deporte.

Minister Dangui Oduber ta bisa cu lastimamente na e momento aki e energia ta hinca den drecha y pone stret

tur e desaster cu e gobierno anterior a laga atras. Mester entre otro drecha facilidadnan deportivo y duna
coachnan miho instrumentonan pa nan uza. “Mi no por caba di compronde con un persona por a carga un
puesto di minister y no a percura pa algo asina importante pa nos tur, manera deporte, cana nechi y na benificio
di henter e pueblo.”

Finalmente e mandatario ta bisa cu pueblo por tin e confiansa cu su persona, den calidad di minister ta
haciendo tur cos posibel pa tanto grandi como chikito por gosa di e instrumento yama deporte.

https://arubanative.com/2018/11/01/minister-dangui-oduber-aruba-lo-tin-

miho-ciudadanonan-si-enfoca-debidamente-riba-deporte/