Page 12 - BNDIA ARUBA

a12 riba caya
Diabierna 10 Mei 2019

Atraco Team a detene 2 atracado

ORANJESTAD – Ayera durante oranan di madruga en
conexion cu un investigacion andando autoridad a de-
tene dos homber di nacionalidad Hulandes cu ta R.F y
D.R. Nan ta wordo sospecha di un atraco recien.

Ta considera e hombernan aki sumamente peligroso pa es
motibo a haci uzo di team pa detene e sospechosonan aki.
E detencionnan a tuma luga na 2 diferente cas den area di
Dakota. No ta descarta mas detencion den e investigacion aki.
Tambe a confisca un vehiculo pa mas investigacion.
Pa Cuerpo Policial por resolve mas caso cooperacion di pueb-
lo di Aruba ta hopi importante p’esey nos ta pidi si bo tin cual-
kier informacion yama nos tiplijn di polis cu ta : 11141.

Lo cera J.E. Irausquin Blvd parcialmente

pa raspa y asfalta caminda

ORANJESTAD - En-
trante diabierna 10 di mei
2019 for di 9’or di mainta
lo bay cera e caminda
direccion Noord for di
crusada di J.E. Iraus-
quin Blvd (Alhambra
Casino) pa e crusada di
Caya Dr. J.E.M. Arends pa
raspa y asfalta e caminda.
Trafico lo wordo des-
via via Caya Dr. J.E.M.
Arends. Trabounan lo tin
un duracion di 10 dia.

DOW y Mota-Engil Aruba
ta pidi pueblo di Aruba y tur
automobilista pa tene cuenta
cu e desviacion ariba e ruta
menciona.

Construccion di verkeersplateau na altura

di Magdalenastraat y Trinitariastraat

ORANJESTAD - Departamento
di Obra Publico ta informa pueb-
lo di Aruba en general y special-
mente nos automobilistanan cu
ta haci uzo di e caminda di Mag-
dalenastraat y Trinitariastraat cu
diamars dia 14 di mei 2019 y di-
aranson dia 15 di mei 2019, lo con-
strui 2 verkeersplateau.

E construccion di e verkeersplateau
riba diamars dia 14 di mei 2019 lo ta
dilanti Magdalenastraat #3 y diaran-
son dia 15 di mei 2019 dilanti Trini-
tariastraat #4.
Lo indica e rutanan alternativa cu
baricadanan y borchinan di aviso y e
orario di trabou lo ta di 8’or di mainta
y ta programa pa caba 4’or di atardi.
Marcarion di e verkeersplateau lo
tuma luga diahuebs 16 di mei 2019
entre 8’or di mainta te 11’or di mainta.
En conexion cu e trabou menciona
Departamento di Obra Publico ta pidi
pa tene cuenta cu e inconveniencia cu
lo por surgi pa cual nos ta pidi nos dis-
culpa.