Page 19 - WEB

E tema aki di cambio di ley di Serlimar ta cana man den man cu tur e plannan riba mesa

pa Reforma Fiscal y cobransanan adicional pa servicionan di Gobierno. Camara di

Comercio por ehempel a expresa algun dia pasa cu e situacion economico ta di tal indole

cu no por acepta mas medida ni mas cobransa na comercio. Nan kier mira con Gobierno

mes ta cuminsa economisa den nan propio operacion, prome cu pasa tur gasto na sector

priva. Den e plan di Serlimar, ta pensa di cobra 25 florin na cada negoshi inscribi na
Camara di Comercio, pues 300 florin pa aña, separa di e cobransanan mensual pa

recogemento di sushi. Si tene cuenta cu lo bin un aumento den “tipping fee” si sigui cu e

plannan di Incinerator, anto ta obvio cu henter e industria aki di desperdicio lo percura pa

hopi entrada pa Serlimar y hopi gasto adicional pa comunidad y pa sector priva en

especial.

https://24ora.com/ahata-para-tratamento-di-ley-di-serlimar-pa-haci-mas-investigacion/