Page 38 - HOH
P. 38
Por cuminsa cu bon habitonan oral, manera skeiro diente tur dia, dos biaha pa dia.
Tuma bo tempo, como dos minut, pa haci tur diente limpi. Uza un skeiro y pasta di
diente adecuado. Bo por puntra bo dentista of higienista dental pa e recomendabo cua
skeiro y pasta di diente pa uza.
No lubida haci meymey di e dientenan limpi. Resto di cuminda y bacteria ta keda pega
eynan y e skeiro no por yega pa kitanan. Corda skeiro e lenga pasobra akinan tambe
resto di cuminda y bacteria ta acumula.
Ademas di bon higiena oral ta importante pa tene na cuenta e cantidad di sucu cu nos
ta come pa dia. Sucu, tur tipo, hunto cu bacteria ta causa buraco den diente.
Asociacionnan internacional ta recomenda pa uza no mas cu 6 telep di sucu agrega
cerca hende muher y no mas di 9 telep cerca hende homber. Pa mucha e
recomendacion ta 3 telep.
Bishita bo dentista regularmente. Bay cerca bo dentista of higienista dental pa limpiesa
y preveni caries y enfermedad di carni diente.
Evita di huma cigaria, ciga, pipa of kauw tabaco. Nan por mancha bo dientenan y causa
cancer den boca. Uzo excesivo di alcohol por seca e boca y causa enfermedad di carni
diente. Alcohol tambe por ta un factor di riesgo den e desaroyo di cancer den boca.
Tur esakinan ta pasonan cu bo mes por tuma pa cu preveni malesanan di boca y diente.
Cumpli cu bo salud oral. Bo merece un boca saludabel.
https://www.diario.aw/2019/03/dia-20-maart-ta-dia-mundial-di-salud-oral/
