Page 30 - MIN ECEM 6 DEC 2016

Alan Howell di Ministerio di Medio Ambiente: Trabou di
empleadonan di SERLIMAR ta sigura y mester a soluciona e

problema di dump pa Aruba

Monday, 05 December 2016 23:49
Comparti

Alan Howell, kende ta un di e colaboradornan di Minister encarga cu Asuntonan di Medio Ambiente
Mike de Meza, tabata presente ora cu e empleadonan a demostra nan preocupacion pa nan futuro
, debi na cambio cu Gobierno kier haci pa cera dump.
Howell, kende tabata den e encuentronan, a expresa cu e ta compronde e empleadonan cu a haci e accion
pasobra nan tabata en busca di nan derecho y nan futuro, y ta aprecia cu nan a haci nan accion den un
forma hopi trankil y cu respet. “Esaki ta e manera di comporta ora cu manifesta of bay den accion,”
Howell a bisa.
Pa loke ta e situacion mes, el a bisa cu nan prome punto tabata pa ora cu bini cu e cambio nan kier
siguransa cu nan lo no perde nan trabou. E ta bisa cu Gobierno a duna nan e siguransa aki pero ora cu e
sindicato a baha pa splica nan posicion di Gobierno, a resulta cu esaki no tabata suficiente. Nan tabata
kier siguransa cu Gobierno no ta perde e parti di entrada cu ta haya na Parkietenbos, ora di bende e sushi
pa wordo converti den gas y cual tabata un entrada pa Serlimar. Nan ta di pensamento cu nan lo por
perde nan trabou, si SERLIMAR perde e entrada aki. Gobierno na e momento ey a duna nan e siguransa
cu si tin perdida di cualkier entrada financiero, pa SERLIMAR, nan no mester preocupa pasobra
Gobierno ta keda para garantia pa nan entrada.
Howell a splica cu e cierre di dump no solamente ta un deseo di Gobierno pero e ta un deseo di pueblo.
Dump ta existi pa hopi tempo, pero e sistema di procesa sushi aki no ta e miho ni esun mas moderno.
Ademas habitantenan di Parkietenbos pa basta tempo caba ta exigiendo cierre di e Landfill aki cu ta
causa di hopi problema di salud pa esnan bibando den e bisindario. E ta kere cu mester tin comprension
pa e situacion di e habitantenan. Nan ta esnan cu a sufri mas hopi cu cualkier otro persona na Aruba.
Pesey mester yega na un miho manera pa procesa sushi y e forma pa cual a dicidi p’e e ta miho solucion a
corto plaso. Ademas Gobierno ta sigura cu e hendenan lo no perde nan trabou y tin mas cupo di trabou
pa e proximo 3 pa 4 aña pa saneamento di e dump actual.