Page 31 - MIN SJA

iniciativa di UNESCO ta busca pa conscientisa, informa, educa y caba cu abuso di hende muhe
rond mundo.Fundacion Hende Muhe Den Dificultad pa 16 dia ta bay pone atencion riba e
problematica social aki, cu na opinion di Minister lamentablemente ta sigui sosode den nos
sociedad cu consecuencianan fisico, psicologico y emocional.“Emocionalmente e ta desbalansa
un persona, fisicamente ta agredi e persona, profesionalmente ta baha produccion y hisa AO cu
consecuentemente tin su efecto economico y 95% di victimanan tin un mucha rond di dje y esey
ta representa un abuso di mucha tambe.Minister Paul Croes y su oficina ta apoyando e
organisacion durante e 16 dianan aki, adicional na e subsidio cu ta ricibi for di Gobierno. E
titular di Asunto Social ta consciente cu violencia contra hende ta afecta seriamente famia como
e fundeshi di nos sociedad.Parti di e campaña ‘Orange Aruba’ ta iluminacion di edificionan
publico na color oraño. Minister Croes ta compronde cu esaki ta hala atencion y ta yuda kibra e
taboo cu ta esencial pa por ataca e problema for di rais. Otro manera di yuda FHMDD ta dor di
sostene nan financieramente, sea como ciudadano individual of como comercio.Gobierno di
Aruba ta reafirma su sosten dor di percura pa e gastonan basico di operacion, pero recursonan ta
semper necesario pa por haci actividadnan adicional manera e campañanan di conscientisacion
pasobra den claridad, maldad no tin luga pa biba.