Page 63 - AVP

Wever: Alvin Koolman a gaña y a delete

informacion crucial di su laptop

Posted on 09/12/2019 11:33 am AST | Updated on 09/12/2019 11:35 am AST

ORANJESTAD – Ex director di Refineria di Aruba (RdA))Alvin Koolman a gaña
prome minister Wever y a delete informacion crucial di su laptop deliberadamente.
“Koolman a gañami’, tabata palabra di minister di energia Evelyn Wever Croes. E
ta un di e puntonan cu e mandatario a reacciona ariba diahuebs durante
conferencia di gobierno. Segun Wever ora cu el a puntra Koolman recientemente
riba contract di actual parlamentario Richard Arends riba su nombracion como
CFO (Chief Financial Officer) , el a nenga di sa algo. Despues, segun Wever, a bin
descubri no menos cu 3 contracto co-firma pa Koolman riba e tema, pues cu esaki ta
nota cu Koolman a gañe pa cual e ta tuma e ex director na malo.

LAPTOP

Loke cu tambe Wever a lamenta ta e hecho cu Koolman a delete informacion crucial di
su laptop, prome cu el a entrega esaki pa cu e investigacion. Segun Wever, e mes a duna
ordo pa laga Koolman cu su laptop un dia mas pa por asina prepara su mes pa e por
conseha Wever pa un reunion di Merca (OFAC). Lugar segun Wever, Koolman a usa e
un dia ey, pa ‘delete’ tur informacion di su laptop. Algo cu e ta condena severamente.
Mirando e dos puntonan aki, segun Wever, su confiansa den Koolman no tey mas.