Page 32 - ATA JAN 19

Si cuminsa cu estudio pa evita daño na cierto parti di nos
beachnan e por dura ocho pa nuebe luna

Wednesday, 18 January 2017 22:08
Comparti

Ta na altura cu DOW tabata tin un idea den mente pa haci un investigacion of proyecto pa
evita e daño, cual na ultimo na Tamarijn Hotel su beach tabata inmenso.

El a bin hasta riba e hotel mes, riba areanan cu turistanan ta frecuenta, hende ta traha, etc.
Segun Croes, tin hopi plan den mente. Loke tin cu evita si ta cu ta tuma medidanan di construi
manmade structures den lama, sin haci un bon estudio. Esey tin cu preveni. Ta bay protehe un
area y por daña un mucho mas grandi cu esey. Conseho na gobierno tabata pa por huur in un
laboratorio cu ta bay haci un estudio riba e beach, con e beach ta crece, con e ta erodeer y den
ki tempo di aña, tipo di coriente di lama, con e ta comporta su mes. A base di esaki por traha
un modelo cu por simula esaki cada bes y asina anticipa unda e problema lo bay ta y por tuma
medidanan preventivo pa esaki. A base di esaki, ora cu tin e modelo aki cla, por simula un man
made structure, pa mira ki consecuencia lo bay tin pa e otro parti di e beachnan. Asina por
tuma decisionnan cu mas informacion y cu mas responsabilidad. E aña aki lo bay engage un
deltaris. Tabata tin reunion cu ATA. Nan a duna di conoce cu nan ta dispuesto pa co financia,
pero e board tin cu aproba ainda y hunto cu gobierno lo financia e proyecto aki pa haya un
modelo cu por simula nos beachnan, segun Croes.
E costo

Estudio lo bay costa entre 400 mil pa 500 mil florin, segun Croes, pa por haya un bon estudio y
si cuminsa cun'e pa otro luna, pa aki 8 pa 9 luna, por tin e estudio cla cu por simula
informacionnan di e beachnan. Loke ta haci awor aki ta simula, traha un modelo cu por simula
e coriente di lama, den tempo y a base di esey cu por tuma cierto medidanan, man made
structure den lama cu no por perhudica otro beachnan cu tin. Loke tin cu preveni pa traha un
manmade structure na Tamarijn/Eagle por ehempel y e ta bay daña full e area di Palm Beach
of vice versa. Ta cosnan cu tin cu wak hopi bon pa cuida pasobra nos beachnan ta nos unico
assett cu nos tin, Croes a splica.

Por wak por ehempel Divi Phoenix, den pasado a pone dos manmade structure den lama pa
crea un beach mas miho. Pero segun observacionnan, e no a aumenta e calidad di beach
significantemente. E ora ey e inversion no tabata duna e resultado desea.