Page 8 - ATA JAN 19
P. 8
Dr. Rudy Lampe: Mi no ta compronde e mundo politico mas
Thursday, 19 January 2017 13:03
Comparti
"Mi ta sintimi un extraterrestre den e mundo politico, ora mi mira tanto cinismo. Otmar Oduber a
defende te recien como Ministro coute que coute e hotel nobo na Isla di Oro, a defende e hotel nobo na
airport, a defende e binida di Hard Rock hotel etc. y awor ta critica cu ta bin 4000 camber extra di hotel.
Con cinico hende por bira?", asina Dr. Armando Lampe, ex lider politico di RED a anuncia awe
publicamente riba red social. Mas leu e sacerdote ta puntra su mes: "Ora Joselin Croes, candidato riba
POR, ta declara cu investigacion a mustra cu hobennan a duna un dikke onvoldoende na Gobierno, cu a
haya un 1 pa falta di transpariencia etc., kiermen ex Minister Otmar Oduber tambe a haya un 1 pasobra e
tabata parti di e Gobierno aki te dos luna pasa, anto toch ta join Otmar. Hende ya no mester ta
consecuente den bida?".
Na final Rudy Lampe ta sigui cuestiona Joslin Croes bisando cu "E ta menciona cu el a scoge pa POR
pasobra den e statutonan ta para cu mester declara patrimonio prome cu asumi responsabilidad di
mandatario, pero no ta Speed Andrade mes a trece dilanti cu Otmar prome cu ta Minister no tabatin
riqueza y awor cu el a baha como Minister e tin tanto riqueza? Unda principio ta keda? Mi no ta
comprende mas e mundo politico".
