Page 8 - UTILITIES_Neat

10 AWEMainta Diabierna, 28 April 2017

Famia Vermeulen di Tanki Lendert ta sigui vision di Gabinete Mike Eman II

Famia a inverti den 24 panel solar cu ta baha
nan gastonan di coriente considerablemente

PROME Minister Mike Eman por a constata cu e vision cu su

Gobierno a pone pa pais Aruba, un Aruba berde y sostenibel, ta
penetra den pueblo tambe.

Durante e Accion di Bario na Paraguana e mandatario a topa
cu famia Vermeulen, kendenan a felicita e mandatario cu
e maneho berde pa pais Aruba, cu ta algo cu nan tambe ta
kere den dj’e. Famia Vermeulen ta biba na Tanki Leendert
y na momento cu a mira cu e mandatario ta den bisindario,

mesora a aserk’e pa felicit’e y cont’e di e vision pa un
Aruba berde cu nan tambe ta sigui.

Prome Minister a bishita e bario di Paraguana pa
informa e habitantenan di e ceremonia simbolico
diaranson anochi pa cende e prome luz di caya cu

lo trece un alivio pa nan.
Famia Vermeulen a inverti den panelnan solar riba
dak di nan cas.
Sr. Vermeulen a splica Prome Minister Eman cu

e ta trahando pa instala un sistema pa su cas cu
ta wordo maneha via computer y cu lo yuda pa
baha e consumo di coriente cu un 60 porciento.

“Esaki ta nifica cu dado momento famia Ver-
meulen ta bay paga masha poco mes na coriente.
Esaki ta algo hopi bunita”, e mandatario a bisa.
El a bisa tambe cu el a yega di haya presentacion di un sistema
automatisa di panelnan solar, pero e no tabata sa cu e por a wordo
aplica pa residencianan.

“E ta interesante di por a scucha cu e ta aplicabel pa casnan resi-
dencial tambe. Sr. Vermeulen lo ta un di e promenan pa tin esaki
na Aruba”, segun e mandatario.

Sr. Vermeulen a splica cu na momento di haci un inversion asina,
en bes di paga e placa na ELMAR, pa mas o menos 3 aña ta paga
interes y prestamo na banco.
Na Hulanda, dor di e cambio di clima, e lo dura un poco mas, 7
aña mas o menos, pa saca su inversion bek. P’esey mirando e solo
fuerte cu tin na Aruba, hopi mas hende por tuma e iniciativa pa
pone panelnan solar riba dak di nan cas, ya cu por uza e panelnan
henter aña.

Den caso di e famia aki, nan a importa e panelnan solarnan mes
cu a sali nan un poco mas barata, pero tin diferente empresa local
cu ta brinda e servicio aki den forma competitivo cu ta haci cu e
prijsnan ta bahando.
“Ta interesante pa famianan haci e gastonan aki y na final baha
nan gastonan di coriente”, e mandatario ta splica.

E famia tin 24 panel solar y ta consumi 1100 kilowatt uur pa luna y
esaki ta loke nan ta produci tambe. Cada panel ta 250 watt. Prome
Minister a felicita famia Vermeulen, a elogia nan pa e iniciativa
tuma y a priminti di lo bolbe pa mira e beneficionan cu e sistema
aki a trece pa nan.