Page 2 - AWEMAINTA

2 AWEMainta Diabierna, 10 Augustus 2018

Dos ruman a haya hopi sla den accidente banda di RCA

DIAHUEBS den careda di 10’or y mey di
mainta alarma ta wordo bati pa un accidente
basta pisa cu a tuma luga na e crusada pabou
di RCA. E prome informe ricibi ta menciona cu
tabatin tres persona herida, di cual uno tabata
mustra serio. Mesora a manda polis y ambulance
na e sitio.
Na yegada nan ta bin compronde cu e Mitsubishi

Lancer shinishi tabata biniendo di pabou, y a
subi caminda sin duna preferencia na e Honda
Civic cu tabata biniendo di panort direccion di
Playa.
Testigonan a bisa cu nan no a scucha ningun
sonido di brake sino solamente e impacto ora cu
e dos autonan aki a dal den otro.
E impacto tabata hopi fuerte, cu e autonan a
bay para algun meter mas pazuid di e crusada.
Segun e chauffeur di e Honda e tabata coriendo
mas o menos 80 km pa ora.
E impacto fuerte a laga tres persona herida, e
persona cu a keda seriamente herida tabata
den e Mitsubishi Lancer. Segun e chauffeur
di e Honda Civic e lo tabata biniendo cu un
velocidad di mas o menos 80 km pa ora.
Polisnan na e sitio a cera e cruzada aki pa
trafico, mientras personal di ambulance tabata
atendiendo cu e heridonan.
Mirando cu ta trata di un accidente den cual
tin un persona seriamente herida, a pidi pa
slachtofferhulp pa asisti e famia na hospital.
Tambe a pidi pa departamente tecnico presenta
na e sitio pa haci mas investigacion.
E dosnan den auto shinishi ta ruman AWEMainta
por a comprende y un di nan a haya basta sla,
entre otro a fractura su cachete. E otro chauffeur
a haya un corta na su pia. Un di e heridonan mas
serio probablemente lo mester wordo manda afo
pa tratamento medico.