Page 27 - HOSPITAAL

Marlyn Geerman: Si un empleado no tin su carchi berde, e no
por traha

Wednesday, 31 May 2017 18:19
Comparti

Tin controlnan ta tuma luga na varios localidad cu ta bende cuminda y bebida. Por a tuma nota cu tin
situacionnan unda cu sa topa cu e carchi berde, unda cu e personal no tin’e. Marlyn Geerman ta
controlador na Departamento di Salubridad Publico y e ta conta cu durante control por bisa cu ta bay
hopi bon.

Loke si a ripara cu ta haya hopi recibo. Esey hopi biaha a bisa cu no ta conta, pasobra cu tanten cu bo a
haci e test, no tin e resultado, no por laga e persona traha. Aunke cu tin e recibo. Hopi di eseynan a
manda nan cas pa nan caba cu nan test of wak kico cu e test. Si e test sali positivo, e ora e problema ta
pa Departamento di Salubridad. Tanten cu no tin e resultado cu e persona ta bon pa traha den un
negoshi asina, e ora mester caba cu tur e testnan, haya e carchi, e ora por cuminsa traha. Si acaso e
sali malo, e ora por pasa e malesa door na otro hende. Mayoria biaha ta salmonella entre otro, ta
cuminsa check. Ora cu ta malo, ta stop e persona di trabao. E ta bay haya un periodo pa haya
tratamento cu antibiotica. Pero despues por bin traha bek. Tin hende ta bruha den e malesa tambe. E
informacionnan ey ta haya na DBZ, unda cu e verpleegkundigenan ta. Hopi ta spanta cu ora nan bira
malo nan no por traha den cushina. Pero e ta algo cu por haya, esta bacteria y cu antibiotica ta cura y
por bay traha bek despues di 10 dia mas of menos. Den e controlnan aki, no a topa cu e situacion ey.
Pero si haya recibo, tin cu para e persona te ora cu e haya e resultado. Resultadonan negativo Sa pasa
cu hende sa haya resultadonan negativo. Den e ultimo añanan, el a baha masha hopi mes. Door di hopi
control y hopi y cada biaha regularmente hendenan ta bay haci nan test. Ta detecta nan na tempo. E
ora ta haya cu no tin hopi persona ta bin cu test positivo. Semper e ta bay a 10 y 15 persona y pesey no
ta hopi.