Page 8 - AWEMAINTA

8 AWEMainta Diamars, 1 October 2019

Aruba Bank presente n’e evento anual di Fundacion Amigonan di Archivo

E banco comercial mas grandi na Aruba

ta revela e secreto tras di su exito digital

Aruba Bank tabatin e honor di tabata selecta como orador invita n’e

evento anual di Amigonan di Archivo (ADA) cu a tuma lugar diabierna
27 di september na Renaissance Convention Center.

Aruba Bank su presentacion a ser dirigi p’e team di proyectonan y ino-
vacion, den e caso aki sres. Arthur Frans y Nigel Wix kende a enfoca
riba e aspectonan importante di transformacion digital na Aruba Bank.

Topiconan cu a ser duna a enfoca mas riba e evolucion di tecnologia y

a uza como ehempel transformacion di telefon durante di e ultimo 150
aña.
Pa Aruba Bank, transformacion digital t’e proceso caminda un organ-

isacion ta sigui haci uzo di tecnologianan digitalisa. Dor di e proceso di
transformacion digital, e banco pionero di Aruba ta spera di por crea
experiencia superiornan nobo p’e cliente.

Tambe ta hopi importante pa Aruba Bank por crea experiencianan per-
sonal basa riba e data y feedback di clientenan.

Ehempelnan cu ta wordo uza tambe ta con e procesonan ta wordo au-
tomatisa p’asina mehora e parti operacional dor di re-emplasa trabou-

nan manual p’asina por scapa mas tempo pa empleadonan cu por traha
mas liher y p’asina por tin mas tempo pa enfoca riba e importancia di
duna un bon experiencia na un cliente.

Dor di transformacion digital, Aruba Bank lo por reacciona liher na cam-

bionan den tecnologia of den e mercado p’asina colabora mas eficiente
cu partnernan rond mundo, comunica cu clientenan dor di uza cualkier
plataforma cu ta sostene e negoshi cu actividadnan diario basa riba tec-

nologia moderno p’asina provee e clientenan un experiencia personal.

E presentacion tabata uno hopi bon ricibi dor di esnan presente. E team

di Aruba Bank tabata contento pa comparti nan experiencia cu tranfor-
macion digital bancario na Aruba.