Page 44 - ECEM

Arubus a introduci liña di bus cu lo core entre Playa y MFA
Paradera

Thursday, 20 April 2017 20:19
Comparti

Diahuebs a keda introduci un liña di bus cual lo cuminsa core entre stacion di bus di Oranjestad
pa MFA Paradera. Segun vocero di Arubus, Sanin Daou

, esaki ta algo cu a trece pa por duna mas servicio na MFA, mirando cu ultimamente MFA
Paradera a cuminsa opera y a haya hopi hende, popularidad ta grandi y a haya peticion pa
esaki y pa e motibo aki a dicidi e ora ta introduci un liña di bus, cual lo ta coriendo un biaha pa
ora. Ta cuminsa check con esaki lo traha. Lo publica e schedulenan den tur medio di prensa y
tambe riba Website y Facebook page di Arubus, caminda cu e bus lo ta saliendo for di
Oranjestad, esta e stacion di Playa. E ta pasa den J.G. Emanstraat, te na e rotonde di Sero
Blanco. Eynan lo e ta biniendo straight cu e caminda di Sero Blanco, te na e rotonde di
Paradera, djey bay MFA. Ora di bin bek, ta core e mesun ruta, solamente ora e yega banda di
misa di Playa, e lo tuma Koningstraat, bay te na e rotonde na Paardenbaaistraat y e ta drenta
bek den e edificio di tram y bin bek na e stacion di Oranjestad.

Esaki lo pasa henter dia. E prome lo ta saliendo 7’or y mey tur dia, e ultimo cu ta bin bek, lo ta
yegando pa 2’or y mey pa 3’or na e stacion. Normal e bus di Arubus, por uza e smartcard of por
paga cash. E ta facil y esaki ta pa servicio di un y tur.

Servicio di bus

Daou a sigui splica tin mas of menos 5 aña ta coriendo cu e busnan chikito den bario y e
busnan aki ta core e rutanan cu antes e busnan grandi no tabata core. Esey tambe ta pasando
keto bay. Tin e busnan chikito cu ta core den e bario di Jaburibari, Santa Cruz patras, Paradera.
Tin mas bus cu ta pasa riba e rutanan aki. Pero nan ta sigui bay. E no ta dedica specialmente na
MFA. Tin cu bisa cu awor aki esaki ta dedica special pa MFA, pero si tin mas ruta cu ta e busnan
chikito cu ta pasando den e vecindarionan aki.

Infrastructura

Daou a comenta cu na MFA ta facil pa hende por bin pa e servicionan di MFA. Manera ya indica
MFA tin hopi servicio cu diferente cos cu por haci. E ta haci’e facil. Un hende cu ta biba riba e
ruta por haci uzo di esaki. Na cuminsamento lo mester gage unda e hendenan ta para warda