Page 84 - ECEM

Ruta nobo di Playa pa MFA tabata peticion di Sociale Zaken y
minister di transporte

Thursday, 20 April 2017 20:34
Comparti

Transporte publico ta importante. Na prome luga, ta un esfuerso grandi pa Arubus mehora su
servicio, pa cater loke cu pueblo tin mester, segun director di Arubus, Teo Croes.

Awor aki ta purba di mantene nan mes na ora. Ta dificil cu e trafico cu tin awendia. Pero ta
cuminsando cu e ruta aki. E tabata un peticion di Sociale Zaken y tambe di minister di
transporte y tambe prome minister. Tabata un peticion, conhuntamente pa duna e servicio aki
na e hendenan cu mester bin haci uzo di MFA, vooral di e parti di Sociale Zaken.

Tin di compronde for di Sociale Zaken cu tin 1250 hende cu lo wordo movi di Playa, pa
Paradera. Pesey a pone e ruta aki. Aparte di esey, rutanan nobo ainda no tin mas cu esun aki
den planning. Si tin un planning pa haci algun cambio pa locual ta e rutanan existente, cual no
lo bay pasa di biaha. Ta bezig cu Hulanda pa conseho, un sistema nobo cu Arubus kier
introduci, cual lo tuma su tempo, minimo 1 aña.

Rutanan mas pisa

E rutanan mas fuerte awor aki ta San Nicolas pa Playa y Playa pa Palm Beach. Esey ta algo cu
tin ta luchando cune pa basta tempo. E ta keda causa un tiki pa motibo di e causanan
financiero. Mainta tempran tin e busnan ta bay ariba bashi y bin abao yen, nan ta yega Playa.
Nan ta bay yen pa Hotel y bin bek bashi. Tin cuater pa cinco bus cu ta core bashi den e partinan
aki, cu yama Empty Leg. Locual cu ta bay yuda e apertura di Citgo. Esey ta tempo cu Valero
tabata tey, tabata tin hende ta bay ariba mainta. Esey ta yuda un parti. Esun di hotel ta hopi
dificil, pasobra no tin hopi hende ta bin. Mayoria di nan ta bay traha y ta atardi nan ta bin y tin
esey atardi y anochi atrobe. Atardi tin’e cu e busnan ta bin yen yen pa Playa, ta bin bashi atardi
y bin bek yen, bay San Nicolas yen y bin bek bashi y esey tambe ta pasa mesun cos anochi.

Trafico

Trafico ta keda un bottleneck. Awor aki por ehempel, lo cual ta e trabaonan cu ta wordo haci
na Seero Tijsji a causa Arubus basta. Ta full un omweg. Despues ta esun di Drive Inn cu tambe
ta caba den un omweg, cu ta hinca mas tempo aden. Arubus tin di bay cambia su rutanan,
adapta e schedule, pa purba di mantene, vooral pa esnan cu ta traha cu ta bin di San Nicolas cu