Page 32 - MIN VOS

AWEMainta Diamars, 25 April 2017 13

Tri-atleta Renze Postma ta cla pa e competencia

CAMTRI Triathlon America Cup na Salinas, Ecuador

DESPUES di a permanece pa mas di 3 luna na Colombia, es-
aki pa un preparacion intensivo den un campo di entrenamento,
e tri-atleta elite di Aruba, Renze Postma ta cla pa competi den e
circuito di Camtri Triathlon America Cup na Salinas, Ecuador.
Mester bisa cu Renze su entrenamento a bay sublime y ta con-
tento di mira progreso den su desaroyo den tur tres disciplina.
E ta sinti su mes bon y ta cla pa duna bon bataya contra e
mihonan den e continente aki.

Aña pasa e atleta Postma a competi caba den e Camtri na Salinas
unda el a haci un tremendo papel. Awor Renze a hiba un mihor
preparacion y lo wordo compaña pa su coach Nicolaas Robert.
E biaha aki e trayectorio cu Renze mester cubri ta landa 1500m,
core bicicleta 40 km y core na pia 10 km.
E competencia lo bay ta uno fuerte unda e mihofnan di henter
mundo lo participa y Renze ta cla pa bataya contra e otro fuerte
competidonan di USA, Peru, Peru, China, Guatemala, Brazil,
Cuba, Namibia, Panama, Puerto Rico y Venezuela.

Luna pasa e atleta Renze Postma a gana e prestigioso galardon
Premio Excelencia den Deporte unda el a wordo eligi pa di tres
aña consecutivo Aruba su Atleta di Aña Local.
Un danki sigur na Lotto, e Loteria di Aruba pa medio di Comis-
ion di Subsidio cu a subsidia e biaha di Renze Postma p’e com-
petencia di Camtri Triathlon America Cup na Salinas, Ecuador.