Page 9 - MIN VOS

Clinica di Lili Beke banda di Hotelnan High Rise ta priva
100%

Monday, 24 April 2017 22:08
Comparti

E clinica di dr. Lili Beke ta 100% priva. Ta atende e poblacion local tambe. No tur hende ta
contento cu nan seguro, esta AZV. Of tambe nan kier bin pa un di dos opinion of nan a bay afo

y a wordo atendi afo y nan kier sigui cu e tratamento of e follow up encuanto cirugia of algo. E
ora nan ta bay cerca dr. Beke, pasobra hopi di nan no ta wordo acepta door di nan dokter. Nan
ta bay cerca dr. Beke pa sigui cu nan tratamento of pa conseho tambe. Tin biaha hendenan for
di aki ta bin pa un di dos opinion y manera cu tabata haci antes tambe na e localidad anterior.
Tambe nan ta wak hendenan di hotel, y personal di hotel tambe.

Orario di trabao
Tur dia e clinica ta habri, mainta y atardi te cu 6’or y den fin di siman ta habri como tambe
dianan di fiesta. Generalmente for di 2’or te cu 5’or of tin biaha 6’or di atardi.

Cuanto dokter

Permanentemente tin un dokter, pero ta alterna. Ora cu un no tey, e otro ta neem over.
Semper tin un dokter y tambe tin un emergency line cu por yama cu ta 5940539 y e ora ey
semper nan ta haya un dokter cu ta contesta e telefon. Tin biaha ta yama pa conseho vooral pa
turistanan, pero e localnan tambe ta haci esey. Tin biaha nan ta yama pa pasa y papia cu e
dokter.

Si ta un orario no normal, manera marduga, nan tin espacio pa por presenta na e sitio. A haci
esey caba den varios ocasion, segun dr. Beke, den e luna cu ta ubica na e luga nobo.

Receta y testnan di sangerDr. Beke a comenta cu nan ta dokter y ta mira e pashent. Nan ta
conseha nan y si nan mester haya tratamento, ta duna nan recept, ta bay botica, caminda cu ta
e luga adecua pa nan busca nan remedi. Si acaso mester haci test, ta mandanan na e luga
adecua, cu ta of laboratorio of pa saca un potret, etc. Nan no ta mete riba e tereno cu no ta
concerni nan, dr. Beke a bisa por ultimo.