Page 5 - MIN ON

Cu e GED test tur hende no tin diploma di school por pasa

examen

Publication: Thursday, 19 January 2017. Categoria: General
Y haya certificado equivalente na un diploma di High School

ORANJESTAD (AAN): Dialuna a tuma lugar firmamento di un acuerdo GED (High School Equivalency Test) cu
International School of Aruba.
Durante un conferencia di prensa, Minister di Enseñanza Michelle Hooyboer a trece dilanti cu ministerio di Enseñanza
for di algun aña caba ta trahando riba elimina locual nan ta yama e ‘Dead End’ den nos sistema di enseñanza, esta
cu studiantenan pa un of otro motibo ta yega na cierto nivel den enseñanza y no por sigui siña.
Tin por ehempel varios caso unda cu hendenan no por uza locual nan tin di school, pa yega na un enseñanza
superior.
Asina por tin un grupo di studiante cu apesar di nan ambicion pa sigui, ta keda atras.
“Pa nos esaki ta un situacion cu tin nos prioridad y pesey nos kier crea e oportunidad pa nan por haya un enseñanza
superior, cu no necesariamente mester ta uno academico.
Esey ta un di e posibilidadnan si, pero tin otro trayectorianan cu ta papia di asina yama ‘beroepsonderwijs’.
Pa basta tempo a delibera pa wak ki tipo di programa por pasa mihor pa e hendenan cu ta cay den e categoria
menciona y e ministerio a yega na un programa cu ta cuadra cu locual ta e dead end den enseñanza.
Awor hendenan por bay hasi uso di e GED, cu ta ‘General Education Development’ cu ta un examen cu ta duna locual
ta wordo yama un ‘High School Equivalency Credential’, unda cu e persona cu pasa e test ta haya un certificado
equivalente na un diploma di High School.
E certificado ta wordo reconoci na Merca y na otro paisnan.
E no ta mescos cu un diploma di High School, pero e ta di mes nivel.
E tempo pa prepara pa e examen ta depende di varios factor.
E meta principal di e GED test ta pa duna studiantenan cu anteriormente no a logra caba algo, un oportunidad di
haya un certificado cu cual nan por hasi hopi.
Gobierno a yega na un acuerdo cu International School of Aruba pa por duna e periodo di preparacion pa e examen
na tur hende cu ta bay participa.
Pa aña escolar 2016/2017, lo habri alrededor di 200 cupo pa studiantenan cu kier pasa e examen di GED.