Page 23 - Djaluna 19 november 2018.pdf

Djaluna 19 Novèmber 2018 23

MUNDU DEPORTIVO

Fanátikonan di Extra Inning, bon dia i felis siman.
Moveshonnan den Beisbòl a start atrobe ku weganan
entre selekshon di Kòrsou i Universidat di Illinois aya
na Tio Daou Ballpark. Ta purba tur hungadó pa despu-
es yega na un selekshon definitivo pa bai hunga na
República Dominicana di 5 pa 10 di desèmber. Johnny
Balentina ta manager di e selekshon ku kuerpo tékniko
formá pa Raymond van Gurp, Frankie Confesor, etc. Nos
a drenta den kontakto ku Clint Kirindongo ku ta hefe di
delegashon i tur detaye ta kla pa e tres weganan.
* * * * *
Parse ku Frankie Confesor ta kandidato pa bira
manager di Wild Cats. A papia ku Frankie, pero e èks
pelotero ku ta coach i manager den Marchena i selek-
shon di Minor di Liga Pabou mester wak su tempu. Te
ainda ta 30 porshento ku Frankie no ta bai tuma e en-
kargo di manager di Wild Cats. E tékniko a laga un es-
pasio si pa pensa. Hopi ta pensa ku ta Archie Jansen
mes lo bira manager di Wild Cats den 2019. No masha
moveshon den Beisbòl Dòbel A, pero Santa Maria si a
kuminsá mobilisá pa sera nan kurá pa 2019.
* * * * *
Djabièrnè awor Curaçao Baseball Week ta start ka-
minda lo tin un Meet & Greet di spònser na Sambil.
Mesora ta sigui dia 24 di novèmber 9 or am pa 4 or pm
ku un seminario pa coachnan ku lo tuma lugá na Tio
Daou Ballpark. Mesun fecha lo tin Meet and Greet The
Players/ Promotion Clinic 4’or pa 6’or na Sambil. Kasi
dos siman di aktividat pa bai terminá dia 1 di desèmber
na Tio Daou Ballpark ku Curaçao Baseball Week Fan
Festival.
* * * * *
Selekshon di Kòrsou tin mas o ménos 30 hungadó
pa e 3 weganan. Na momentu ku ta bai República
Dominicana si lo redusí e kantidat di hungadó. E hun-
gadónan ku a bai República Dominicana no a keda
ekskluí for di selekshon, debí ku nan tabatin nan plan
pa bai Plant City, Florida, for di komienso di aña. Nos a
splika kaba ku ta grandinan ta aya, entre otro Yurendell
de Caster, Levi Carolus, Raywendley van Gurp, Edinho
Meyers, Roderick Bernadina etc.
* * * * *
Resientemente nos a trata na drenta den kontakto
ku Chairon Isenia tokante maneho di Groot Kwartier
Stars, pero nos no a haña kontakto. Nòmber di Jair
Josepha ta hopi menshoná pa dirigí e ekipo menshoná.
Despues ku na 2017 e ekipo a klasifiká i logra gana un
wega di Wild Cats den semi-final, den 2018 e ekipo a
pèrdè e wega di Wild Card kontra di Marchena despues
ku nan a terminá number 5 i gana di ekipo number 6
ku tabata Fire Birds.
* * * * *
Hopi hende ta pendiente di ekipo Royal Scorpions
ku a terminá den sótano ku rèkòrt di 5-31. Kosnan lo
kambia drástiko den 2019 kaminda lo bai pa klasifiká
atrobe den e promé 4-nan. Grandinan tras di kortina di
Royal Scorpions lo tei bèk pa manda e ekipo bèk na su
lugá. Royal Scorpions ta e ekipo ku tin mas título den
nos Beisbòl Dòbel A ku 16. Ta sigui Wild Cats ku tin 15
título i Santa Maria 11. Santa Rosa 6 korona di kam-
pion, Alpha Zelbo 3 i Blue Hawks un título.
* * * * *
Nos a papia ku Sendley Reina resientemente tokante
di Santa Rosa i el a bisa nos ku nada partikular. Un tre-
mendo ekipo ku ta un farmsystem tremendo. Djasabra
nos a dal den Regino Winklaar, hungadó di Santa Rosa
ku a bisa nos ku tempu ta skars debí na trabou i famia.
Otro hungadó ku lo bai baha man ta Laishenel La Crus
di Fire Birds. Tambe pa motibu di trabou i famia tempu
a bira skars. Nos ta keda te aki pa awe. Te mañan ku
Poder di Dios.