Page 3 - Djaluna 19 november 2018.pdf

Djaluna 19 Novèmber 2018 3
Segun periodista
Paola Ochoa

Un epidemia
di HIV/AIDS

biniendo for di
Venezuela

i no ta
hasiendo nada

WILLEMSTAD.- Un
epidemia di HIV/AIDS for
di Venezuela ta menasando
e paisnan bisiña i no
ta hasiendo nada pa
kontrarestá e peliger aki.
Na palabra e prominente
periodista Paola Ochoa ku
a atvertí pa e desaroyo aki
na diferente okashon den su
kolumna den e prestigioso
korant kolombiano El
Tiempo. E atvertensia ta
kuadra ku loke ekspertonan
lokal tambe a bin ta atvertí
p’e na Kòrsou, entre
nan dr. Ashley Duits ku
na diferente okashon a
menshoná e peliger aki.
Por sierto ku dr. Duits no a
menshoná HIV/AIDS so pero
tambe otro enfermedatnan
ku indokumentadonan
venezolano tin na momentu
ku nan krusa laman. Segun
dr. Duits, na diferente
okashon tin malunan ku
nos a kontrolá den nos
hemisferio a renasé na
Venezuela pero tin tambe
malunan eksistente ku
simplemente no tin remedi
pa trata nan pasobra
Venezuela no por kumpra
remedi.
“Un epidemia di HIV/
AIDS ta yegando nos pais for
di Venezuela”, asina Ochoa
ta bisa. Tin un entrada
masal di emigrante for di
Venezuela na Colombia i
outoridatnan no ta dunando
atenshon na e problemanan
médiko ku nan ta bin kuné.
E problema di HIV/AIDS ta
asotando Venezuela i ku
yegada di venezolanonan pa
motibu di e krísis ekonómiko
den e pais, esei ta un
menasa serio pa tur pais
bisiña. “Ta kalkulá ku tin
130 mil venezolano ku HIV.
Solamente un 10 porshento
ta haña tratamentu segun
Onusida, un programa
di Nashonnan Uní pa
kontené HIV/AIDS den
Latinoamérika. Mas di 90
porshento di esnan afektá
den e pais no tin akseso na
remedi pa kuater aña kaba”,
asina e kolumnista ta bisa.
El a sigui splika ku di

Sigui lesa pagina 50