Page 27 - MIN.ON 4 MARCH 2017

Friday, 03 March 2017 17:11
Comparti

Maestranan a pasa den un susto y keda den un shock cu loke nan a mira diabierna riba tereno di scol na
Pieter Boer School na San Nicolas. Un trahador di KIA cu tin yiu ta bay e scol a agredi e maestro
diabierna banda di 1or y 30.Parce cu diamars e maestro aki tabata riba tereno di scol ta vigila e
muchanan durante pause. Un caminda e mucha aki lo a comporta su mes malo y a hala su atencion.
Parce cu e mucha a yega cas y bisa su tata.E tata a presenta diabierna na e scol. For di merdia caba prome
cu 12or e kier a subi e tereno di e scol. El a wordo bisa cu e no mag. El a bisa cu el a bin trece treat
pasobra e mucha a haci anja. A bise cu no mag di subi tereno. E tata aki trahador na KIA a keda pafo.
Scol a caba y muchanan a bay cas. E tata a keda pafo y maestronan a keda combersa un rato na scol
prome cu bay cas. Na dado momento e tata a bay cu su auto riba e tereno di e scol. Djey ora cu e
maestronan tabata bayendo cas, e tata a baha y dal e maestro trincion. Djey el a bente abou y cuminsa
yena e maestro cu hopi sla. El a laga su cara basta disfigura. E tata trahador na KIA ta di fam K. E
maestro ta fam W. E maestranan na e scol a purba interveni pa stop e agresion. E tata a bin cu mas hende
den e auto. Nan a bisa e maestranan pa keda afo di e problema y no mete den e asunto. Finalmente
despues di e agresion serio e tata fam K a bandona e sitio.

E maestro fam W ta unico maestro na e scol pasobra e demas personanan trahando dunando les tur ta
femenino. E maestro a bay para te na Centro Medico na e Servicio di Emergencia pa wordo atendi pa e
slanan serio cu el a haya. Despues a keda di bay warda di Polis pa entrega un keho official. Un cos cu a
pone hopi maestro cuestiona na e scol con un maestro cu a hala atencion di un alumno diamars, ta yega
asina leu unda diabierna e tata ta bin standby pa busca un chens y subi tereno di scol pa bati e maestro. E
cos aki ta claramente premedita y prepara pasobra e no a bin su so tampoco. El a bin acompanja cu mas
hende pa asina cuida su lomba mientras el a dal e maestro di sorpresa y keda batie na vloer.

http://www.24ora.com/index.php?option=com_content&view=article&id=119310:trahador-di-kia-a-
bati-maestro-riba-tereno-di-pieter-school&catid=1:local&Itemid=5