Page 8 - ROBERT CANDELARIA

E control intensivo cu a bin ta wordo haci ultimo tempo a haci cu practicamente no tin

luga pa para auto mas na Balashi. Esaki ta algo cu tin atencion di Parlamentario Robert

Candelaria tambe, kende a bisa, cu el a bin ta trahando riba e asunto aki.

El a cuminsa pa bisa cu nan ta trahando riba dos aspecto. Pero prome el a bisa cu trabou

den Parlamento no ta solamente pa critica pero tambe pa bini cu ideanan, solucionnan y

proposicionnan. E ta bis cu e situacion di falta di espacio no ta algo for di awor. “For di

tempo cu mi a drenta Cuerpo Policial tabatin e problema aki. Bo ta haya cu autonan ta

wordo confisca pasobra nan a viola ley of a causa accidente, y nan ta keda acumula, cu

tur e riesgonan cu esaki ta trece cun’e,” Candelaria ta bisa. Asina por ehempel piesanan ta
wordo horta, y mester pone hendenan pa traha den e parti administrativo pa atende cu

maneho di e autonan cu ta den man di Polis.