Page 14 - HOSPITAAL

Diamars, 4 December 2018 AWEMainta 7

Situacion tenso na Dr. Horacio E. Oduber

ABV no tin confianza mas den Ezzard Cilie

DESPUES cu a bira conoci cu Hunta di

Supervision y Director Financiero, Theo de

Kool a finalisa nan relacion di trabao, por a
sinti cu Sindicato ABV tin preocupacion, pa-

sobra lo no por finalisa un CAO nobo por lo
pronto.

ABV a dicidi pa yama un reunion general

urgente p’awe mainta na Hospital. Esaki a
anuncia despues cu ABV a reuni cu Minister

di Turismo, Salud Publico y Deporte, Dangui

Oduber.
Na salida Gina Maduro, Presidente di ABV a

duna di conoce cu e situacion na Hospital ta

escalando cada ora mas y cu mester bin un
solucion pronto.

Di acuerdo cu Gina Maduro, e problema
principal t’e mal maneho di gerencia.

Riba dje e Director di Cuido di Hospital, Ez-
zard Cilié a haya ta bon pa menasa Presiden-

te y Vice Presidente di ABV den un reunion,
loke e sindicato ABV no ta acepta di dje. Nan

a bisa Minister Oduber ayera cu ABV entodo

caso no ta sostene e maneho di gerencia ac-
tual di Hospital.

P’awor e sindicato no kier bisa mucho mas,

pasobra lo kier papia cu su miembronan
prome, e.o. den e reunion di awe mainta, cu

a keda convoca cu caracter di urgencia. E re-

union aki ta tuma lugar awe mainta 8:00am
pafo di Hospital.

Ey lo splica trahadotnan di e ultimo desaroy-

onan y tambe scucha di e trahadornan kico

lo bira nan siguiente paso.
Ta evidente cu un di e temanan cu ta cay-

ente riba mesa awor te retiro y posibel areglo
di retiro p’e Director Financiero di Hospital,

esta mr. Theo de Kool.

Abogadonan di ambos partido ta spera di
keda cla e siman aki ainda pa despues firma

e retiro di Theo de Kool.