Page 16 - AM190413

16 AWEMainta Diasabra, 13 April 2019

Prome Minister Evelyn Wever-Croes:

Prome Minister a celebra 85 aniversario di Agnes Kleuterschool

DIARANSON 10 di april, Prome Minister a asisti na

e ceremonia di celebracion di 85 aniversario di Agnes

Kleuterschool. Prome Minister a wordo ricibi pa direc-
tora di e scol Aysheline Lopez. Muchanan alegre tawata

warda cu hopi entusiasmo pa e yega di Prome Minister

kende tambe a wordo compaña pa Minister di Enseñan-

sa Rudy Lampe.

Den 85 aña, ta hopi alumno a pasa y haya formacion na

e scol aki. Homber y muhenan kendenan a yuda forma

nos pais den diferente rangonan. Prome Minister Evelyn
Wever-Croes a duna un discurso masha inspirativo pa

nos alumnonan chikito y a planta e simia den nan pa un

dia un di nan bira Prome Minister di nos pais. Prome

Minister a encurashanan pa nan haci nan best na scol y

haci e miho cu nan por haci pa asina logra cosnan grandi
den bida.

E muchanan a duna show y presentacionnan cu tawa-
ta hopi bunita y bon prepara. Animacion durante dia

tawata bou Club Kerekentechi di Lyonel Dirksz kende

a entretene e muchanan pero tambe tur presente cu su

cantica y weganan ya popular den nos muchanan.

Un gesto hopi bunita di e scol tawata e invitacion na e

ex maestronan cu a duna les na Agnes Kleuterschool y e

bunita di esaki tawata ta cu mayoria a bin.

Prome Minister a gradici tur maestro, cabesante di e

scol, SKOA pa nan tempo y dedicacion pa forma y guia

nos chikitonan y dirigi nan den direccion di innovacion.