Page 32 - HOH

Boluntario den diferente bario Raul Gravenstijn a splica cu e dos equiponan cu ta haya
uniform nobo for di e compania aki cu tin divisionnan na Caribe ta Fear Boys y Beach
Boys.

E parti bunita di e uniforma ta tambe cu patras riba e camisa tin e texto di nos himno
nacional.

Gravenstijn a indica cu el a haya hopi great cu tin varios mucha di bario cu a forma nan

team pa participa na e torneo.

E torneo ta wordo organiza pa Roland de Cuba di Stichting Hubentud Tankileendert y
Arubaanse Voetbal Bond (AVB) y ta bay cuminza e Diahuebs prome cu Siman Santo y

ta termina di dos dia di Pasco Grandi.

Director di Interpoint John Mahboed a indica cu den su compania semper nan ta duna
bek na comunidadnan unda cu nan tin nan negoshi.

“Den cuadro aki nos a wordo pidi pa Raoul Gravenstijn pa yuda y como cu mi mes ta
amante di futbol, tabata facil pa mi dicidi di participa na e proyecto aki”, segun
Mahboed, kende a indica cu en total cada un di e dos equiponan a haya 12 camisa.

Señora Lupita Bernabela cu ta traha pa Interpoint na Aruba a splica cu e compania ta
traha hopi cu hende y ta duna diferente training a base di comunicacion.

“Interpoint ta hasi hopi trabao na Aruba y parti di e maneho ta pa duna bek”.

“E compania na diferente occasion a contribui na Aruba cu diferente proyecto”.

Esaki segun Bernabela, kende a sigui bisa cu entre otro Interpoint a duna training entre
otro na La Cabana, AZV y asistentenan di docternan di cas.

E tipo di trainingnan ey ta importante pa empleadonan siña bon con pa atende cu

cliente, con pa atende cu agresividad y cu hendenan fastioso.

Den e caso di e asistentenan di docter, nan a siña tambe con pa atende cu nan dunador
di trabao, esta e docter di cas.